Naozen日本料理 (已結業)

之前經過想入去試下，但朋友說懷石料理好貴，打消諗頭。今天同媽媽行街又再經過，同媽媽食飯貴一貴都無所謂媽媽食左份雜錦鍋燒烏冬，隻天婦羅蝦仲好脆，個湯底都好清甜，媽媽好鐘意；我個女肥妹（兩歲半）食份銀雪魚定食，個蒸旦好滑，但太少拉，她連我果個都食埋成份魚她一個人食晒，連碗飯都食曬，我連試都冇份，我幫她夾魚時，皮脆肉滑，肉質仲濕濕地，唔會乾。我就食便當，嘩！份量十足，有刺身、壽司，天婦羅仲有煮物，其他都唔錯，但壽司就差少少， 唔係話佢D魚唔新鮮，而係件壽司散散地，我夾起未放入口就散左，手勢麻麻下次可以黎試下晚市既懷石料理好祈待