一遊

營業中

休息中

見同事有時會買依間既外賣lunch set食到lam lam 利，於是中午拉隊落去食個team lunch。好彩早小小派同事去拎位先，12點3落到去都見到門口派緊隊。依個入座率都基本肯定左食物既質素。叫左個刺身lunch set，配埋小菜，面鼓湯，飯同餐飲，都好豐富。可能中午客人較多，都等左3，4個字先上菜。刺身新鮮既，而且唔會太薄，口感鮮甜。有三文魚，油甘魚，赤身，吞拿魚蓉，海膽帶子，大蝦，種類都好豐富。特別係海膽帶子配搭幾有諗法，有驚奇。下次會中午再去食，不過要早d拎位。