憶食尚臘味煲仔飯

營業中

休息中

雖然天氣開始熱，但都冇損我哋想食煲仔飯嘅心。一直都想試吓呢間位於佐敦，深得朋友歡心，主打食煲仔飯嘅餐廳。廣式臘味煲仔飯（$177）- 未食已經聞到陣陣香味，臘味分量十足，味道亦十分惹味。其中特別要讚吓臘腸，入口好香，帶酒味，唔會太過肥膩。煲仔飯非常高質，啲米飯整得粒粒分明，非常飽滿煙靭。食到咁上下，店員仲會主動以純熟嘅手法將飯焦刮起，非常貼心。黑松露雞煲（ $167）- 雞煲上餐時熱辣辣，好香口好味。雞肉夠晒入味，配以黑松露醬，仲有青紅椒同埋洋蔥。秘製XO雞髀菇四季豆（ $127）- 炒得好有鑊氣，XO醬配以四季豆及雞髀菇，非常惹味。好少何食蔬菜都咁快可以清左隻碟，確認係高質。餐廳環境舒適好坐，店員服務殷勤。食物質素好好，價錢亦非常合理。鍾意食煲仔飯同埋鑊氣小炒嘅朋友，值得一試呀。