四寶食堂 (已搬遷) 新店位置

炮台山區食嘢都遍貴，所以先襯下午茶時間搵食，好耐之前都幫襯過午餐，今次試下午茶先🥰 試咗個北海道日式咖喱豚肉+唐揚雞翼+奶油脆豬 $46, 個賣相一睇就覺得唔錯，仲有埋配菜在碟，對於我哋呢啲成日出街食飯少菜人士幾好。講講個雞翼，雖然有少少鹹，但係好食同脆既，而個日式咖喱🍛汁就完全唔辣，啱港人口味。最正係個奶油脆豬，煉奶又夠多，簡直係肥妹之鍊成。