影片
更多
2009-08-03
11 瀏覽
星期六同兩個朋友係cwb 食飯, 一時唔知食咩就跟Jacky Yu去左呢度. 講真我的第一印象麻麻,因為一出電梯個大堂位好熱,而且一入去有陣油煙味. 不過好在食完出來又唔覺個身有油煙味.是日我地3個女仔食左:1. 煎豆腐 (HK$85) - 呢個係店員推介. 個人覺得可能凍食豆味會重d. 煎都ok不過唔覺突別好食.2. 雜錦壽司 10 件(HK$280) - 相對佢地的魚生刺身拼盤呢個雜錦壽司幾抵食,因為d魚好新鮮 而且一件三文魚都冇. 我覺得d三文魚子較咸而且冇咩鮮味,不過個海膽就唔覺苦喎!仲幾鮮甜!3. 海菠蘿刺身 (時價) - 超新鮮，我地係見到它在個盤度滾夾滾去先想叫的. 店員話唔好點豉油要配酸汁, 辣蘿白同海带食. 一入口有一陣海水味. 我d朋友幾鍾意,不過我覺得有少少苦.4. 生蠔同生櫻桃蜆 (時價) - 好新鮮. 雖然係日本料理店食生蠔同生櫻桃蜆 有點怪,但無可否認個生蠔同生櫻桃蜆都好新鮮好甜.5. 盛岡冷麫 - d 麫超級彈牙,我朋友直頭懷疑佢地用苣苟做! 冷麫冇咩配料,只有少量泡菜, 青瓜及半隻蛋. 我就好鍾意個酸酸地的汁, 夏天食真係好開胃!6. 2人份牛肉鍋(H
是日我地3個女仔食左:
1. 煎豆腐 (HK$85) - 呢個係店員推介. 個人覺得可能凍食豆味會重d. 煎都ok不過唔覺突別好食.
2. 雜錦壽司 10 件(HK$280) - 相對佢地的魚生刺身拼盤呢個雜錦壽司幾抵食,因為d魚好新鮮 而且一件三文魚都冇. 我覺得d三文魚子較咸而且冇咩鮮味,不過個海膽就唔覺苦喎!仲幾鮮甜!
3. 海菠蘿刺身 (時價) - 超新鮮，我地係見到它在個盤度滾夾滾去先想叫的. 店員話唔好點豉油要配酸汁, 辣蘿白同海带食. 一入口有一陣海水味. 我d朋友幾鍾意,不過我覺得有少少苦.
4. 生蠔同生櫻桃蜆 (時價) - 好新鮮. 雖然係日本料理店食生蠔同生櫻桃蜆 有點怪,但無可否認個生蠔同生櫻桃蜆都好新鮮好甜.
5. 盛岡冷麫 - d 麫超級彈牙,我朋友直頭懷疑佢地用苣苟做! 冷麫冇咩配料,只有少量泡菜, 青瓜及半隻蛋. 我就好鍾意個酸酸地的汁, 夏天食真係好開胃!
6. 2人份牛肉鍋(HK$540) - 呢個鍋好適合女仔食,因為跟鍋有大量蔬菜. 個湯底幾好味, 無sukiyaki 果d 咁甜, 似係用鏗魚湯加少少sukiyaki sauce 做的 (不過如所有日本湯, 事後真係好口渴!). 2 人份有一碟牛肉, d 牛肉有肉味, 好味, 但呢個鍋的精髓係跟鍋的麫! D 麫係彎彎曲曲果隻方便索d湯汁. 麫較挺身, 有咬口. 可惜我地3個之前實在叫得太多野食, 食到呢個鍋已經飽到上頸, 未能吃完所有麫真係好可惜!
最後送的甜品好似係杏仁mousse. 可能太飽的關係只係覺得中規中矩.
雖然埋單每人都要成約HK$600 不過我地真係食左好多野同埋仲飲左啤酒. 以咁的食物質素我覺得唔算貴. 下次我會去試吓佢d三色飯!
張貼