越男仔

營業中

休息中

日日行過哩間越南嘢，都幾近full曬，今日得閒可以試下。晚上好多嘢食揀，仲有好少見嘅3 course dinner，平平地已經有2款小食加主菜，好得意。熱雙檸香茅薑蜜，套餐加配，姜味好溫和，唔會好辣，淡淡香茅味道，飲完好暖。凍水果茶，以錫蘭茶為底，落入數款水果同青瓜，飲落好清甜。蒜蓉牛油雙蝦+扎肉撈金邊粉，用火槍炙燒越南紅蝦，蝦肉半熟，入口軟嫩清甜。金邊分搭配埋大量酸蘿蔔絲，酸甜惹味好清爽。3 course dinner，主菜揀咗牛豬PHO(生牛肉+烤牛肉+豬頸肉+豬扒)配紅番茄湯檬粉，小食係無骨黑糖鳳爪沙律同椒鹽脆蛋魚柳。魚柳送上來仲熱笠笠，表皮香酥魚肉鮮甜。牛豬PHO真係不得了，肉多到滿曬出來，特別係烤牛肉，牛肉烤到微微焦香，入口牛肉味好重好好味。湯底用足料煲制，飲落番茄味重，酸甜爽口還會有少少回甜。