鰻の成瀬

營業中

休息中

喺日本食過好好味鰻魚飯之後成日都想去香港食，朋友話我知香港原來開咗呢一間喺日本有成二百幾間分店嘅鰻魚飯專門店，喺中環街市同銅鑼灣崇光百貨都有分店，今晚我哋就外賣返屋企食！ 舖頭有唔同嘅套餐，視乎返你想要嘅鰻魚同飯份量多定少，另外仲有玉子燒，飯團，日本樽裝汽水等。鰻魚飯(梅)師傅已經將所有骨都清除晒，可以安心咁樣食，鰻魚肉質幼滑，外皮燒到焦香，有一種煙熏味道，飯用咗日本珍珠米，香甜軟糯，配上鰻魚汁一齊食簡直一流。玉子燒大大件嘅玉子燒，雞蛋味道香濃，色澤金黃，入口軟綿。我仲叫咗半匹鰻魚，諗住第二日自己喺屋企整鰻魚炒蛋同埋鰻魚炒飯。綠茶可樂綠茶味甘香，味道非常特別，綠茶迷嘅我非常喜歡。