Pici

營業中

休息中

今晚出開嚟灣仔，行到去星街嗰邊，搵到呢一間意大利餐廳，個感覺都幾良好。價錢唔可以講大眾化，不過唔算貴嘅意大利餐廳。入到去，樓下剩返啲high tables, 咁就行咗上樓上嗰度坐。可能因為早，我哋入到去唔算多人。環境感覺好外國. 我哋嗌左唔多嘢食，嗌咗一個cold cut, meatballs 同 牛面珠意粉。肉丸個面唔單止已經有芝士，原來喺肉丸裏面都混入左唔少嘅芝士，我唔知道算唔算正宗，不過就比起其他餐廳食嘅meatballs應該比較正宗一啲！ 個意粉個牛面珠燈真係好滑好淋，而且再加上個意粉好彈牙，我直頭唔記得咗影相🤣其實坐到咁上下，已經全部坐滿晒。所以我估如果平日冇訂枱，應該都唔係咁易有位坐或者要排隊。離開嘅時候已經有一條小人龍排隊等入座。