喜記避風塘炒辣蟹 (謝斐道)

營業中

休息中

同老公係銅鑼灣行完街，去返我地既拍拖勝地「喜記」食晚飯，💕💕呢到真係充滿回憶。我地點左2人套餐$788，質素好唔錯👍📌招牌避風塘炒辣蟹🦀炒蟹夠晒鑊氣，蟹鮮甜多肉蟹膏部份都唔少，用避風塘方式製作非常之惹味。📌椒鹽魷魚拼白飯魚🐟魷魚同白飯魚做到外脆內軟，顏色金黃，椒鹽的咸味吊出海鮮的鮮味。📌招牌醉飽魚🐠鮑魚肉質結實爽口又彈牙，食落帶有微微的酒香味，煮既時間岩岩好。📌豉椒炒蜆🦪份量都幾多每個蜆到痴住蜆肉，鹹淡度適中蜆肉爽口，蜆吐沙幾乾淨食落冇乜沙。📌蒜蓉炒時菜🥬時菜色澤翠綠感覺幾新鮮，蒜蓉香口食落唔太寡，有d味道。