影片
更多
2021-11-30
15 瀏覽
今晚去咗尖沙咀諾士佛臺嗰度飲酒，咁飲完酒就同朋友係尖沙咀呢頭度醫下個肚，咁其實飲完酒飽飽地，所以想食下串燒。 咁朋友就介紹咗呢一間日本居酒屋嘅餐廳都食串燒，咁其實佢食串燒嘅都有其他嘢食，咁大家睇下我食咗啲乜嘢，順帶一提其實呢度啲裝修都幾日式下，感覺好似返咗日本咁樣。唐揚炸白鱔: 白鱔整到好似唐揚炸雞咁樣，但係個白鱔炸得幾好而且最緊要就係佢個肉都幾嫩口，我感覺上好似有啲避風塘風味。熊本豬腩肉串: 呢個燒腩肉串我自己覺得係主角，因為佢啲肉同埋啲肥膏每個分佈得非常之平均，咬落去啲油脂係個口度浪下浪下感覺非常過癮，而且佢個肉汁調D味道都幾好食，所以我覺得呢一個一定要試。西班牙豬肋骨肉: 豬肋骨肉就幾有彈力就好入味， 同埋做肉質唔係太硬掘掘， 真係易入口。串燒雞腎: 我覺得燒到啱啱好，而且最令我震驚嘅就係佢個肉質都幾淋同彈牙。 因為自己覺得雞腎都比較難燒。串燒雞頸肉: 口感十足， 食落去又唔係太似雞頸肉， 因為啲雞頸肉肉質都幾厚肉同爽口。串燒雞翼：就係燒到恰到好處，一定要食佢啲雞皮，千祈唔好唔食，因為佢哋D雞皮先係精髓所在，而且皮軟硬適中， 非常之香脆， 同埋入面啲肉 ， 雖然雞翼係好普通但要燒
唐揚炸白鱔: 白鱔整到好似唐揚炸雞咁樣，但係個白鱔炸得幾好而且最緊要就係佢個肉都幾嫩口，我感覺上好似有啲避風塘風味。
熊本豬腩肉串: 呢個燒腩肉串我自己覺得係主角，因為佢啲肉同埋啲肥膏每個分佈得非常之平均，咬落去啲油脂係個口度浪下浪下感覺非常過癮，而且佢個肉汁調D味道都幾好食，所以我覺得呢一個一定要試。
西班牙豬肋骨肉: 豬肋骨肉就幾有彈力就好入味， 同埋做肉質唔係太硬掘掘， 真係易入口。
串燒雞腎: 我覺得燒到啱啱好，而且最令我震驚嘅就係佢個肉質都幾淋同彈牙。 因為自己覺得雞腎都比較難燒。
串燒雞頸肉: 口感十足， 食落去又唔係太似雞頸肉， 因為啲雞頸肉肉質都幾厚肉同爽口。
串燒雞翼：就係燒到恰到好處，一定要食佢啲雞皮，千祈唔好唔食，因為佢哋D雞皮先係精髓所在，而且皮軟硬適中， 非常之香脆， 同埋入面啲肉 ， 雖然雞翼係好普通但要燒得靚的確係唔簡單。
雞髀菇:燒得不硬不乾，幾好火喉， 而且雞髀菇咬落口度，都可以食得出菇嗰啲汁， 因為佢嗰啲汁都鎖係個雞髀菇裏面。
磯燒北海道珍寶元貝: 都唔使講咩呢個元貝有好多我鍾意食嘅蒜蓉，最鍾意嘅就係佢個元貝我食得出幾新鮮，anyway燒得幾好因為可以食得出蒜蓉及同元貝個鮮味喺度。
牛肉烏冬：呢一個牛肉烏冬睇似冇乜特別，但其實佢係用咗新鮮嘅和牛，所以食落口度就係非常嫩滑，烏冬本身亦都彈牙，我覺得呢一個真係好過某啲專食烏冬嘅舖頭。 質素真係唔同層次。 估唔到佢除咗燒嘢食之外 烏冬亦都幾好食。
最後如果大家行去尖沙咀呢一頭，呢一間餐廳我覺得可以一試，因為佢燒啲嘢食都幾好食，同埋都花咗好多心思係個裝修同食物嘅質素。
張貼
