影片
更多
2010-08-12
9 瀏覽
原本諗住一個人好易揾位，點知去到好混亂，其中一位好忙既姐姐仔好野到叫我企喺到等。一個人都要等，真係唔係好信枱都冇得撘lor。最可笑既係連隊都冇，點排呀? 所以最終決定買外賣返公司食算數。環境：大門中間係收銀姐姐既地盤，叫外賣全部佢負責。左邊係堂食，右邊係外賣自己攞既餐具同醬汁，後面就係開放式廚房（入面既人喺到狂煎鍋貼）。服務：1) 扣分最大原因：冇人招呼我埋位坐。2) 收銀姐姐把聲真係夠大，好啱負責外賣。佢雖然幫我落錯單，不過當我發現左之後，佢都毫無怨言地幫我改返。感激。衛生：所有煎好既鍋貼係會放喺廚房外賣窗口位既鐡盤上，冇野遮住。味道： 豆漿：好甜。建議比顧客選擇甜或不甜。 招牌鍋貼：長條形既鍋貼都係第一次食，個餡唔會太腫，好易入口且唔會覺得溜。個皮算薄，煎得夠乾，唔會覺得油，味道都唔錯。推介。 蚵仔大腸米線：好失敗！勁似蜿仔翅，好杰同好槳口，重好咸。米線好短，好幼，好少。好重胡椒粉味，相信係用黎僻大腸既押味，不過sorry，冇用，因食落口依然係好押。蚵仔算大隻架，好過d大腸啦。後記：無論堂食或外賣都係用紙杯紙碟，好唔環保。如果有下次，我會自己帶個盒去裝外賣鍋貼。小弟有個提議：八方可
環境：大門中間係收銀姐姐既地盤，叫外賣全部佢負責。左邊係堂食，右邊係外賣自己攞既餐具同醬汁，後面就係開放式廚房（入面既人喺到狂煎鍋貼）。
服務：
1) 扣分最大原因：冇人招呼我埋位坐。
2) 收銀姐姐把聲真係夠大，好啱負責外賣。佢雖然幫我落錯單，不過當我發現左之後，佢都毫無怨言地幫我改返。感激。
衛生：所有煎好既鍋貼係會放喺廚房外賣窗口位既鐡盤上，冇野遮住。
味道：
豆漿：好甜。建議比顧客選擇甜或不甜。
招牌鍋貼：長條形既鍋貼都係第一次食，個餡唔會太腫，好易入口且唔會覺得溜。個皮算薄，煎得夠乾，唔會覺得油，味道都唔錯。推介。
蚵仔大腸米線：好失敗！勁似蜿仔翅，好杰同好槳口，重好咸。米線好短，好幼，好少。好重胡椒粉味，相信係用黎僻大腸既押味，不過sorry，冇用，因食落口依然係好押。蚵仔算大隻架，好過d大腸啦。
後記：無論堂食或外賣都係用紙杯紙碟，好唔環保。如果有下次，我會自己帶個盒去裝外賣鍋貼。小弟有個提議：八方可以借用環保黎宣傳，比所有自己帶盒裝外賣鍋貼既客人$1盒錢優惠。其他餐廳就加$1盒錢，八方就減$1盒錢。
張貼
