影片
以上資料只供參考, 請與餐廳確認詳情
八方雲集鍋貼在香港可能唔多人識, 在台灣可是赫赫有名的鍋貼水餃連鎖店, 我最愛它的酸辣湯及韓式辣味泡菜鍋貼, 好味又抵食~在灣仔見到他們香港也有加盟店, 當然要幫襯一下, 作個親身比較~一坐下來看menu, 首先不同的當然就是價錢~台灣的鍋貼, 原味是台幣4元, 韓式辣味泡菜鍋貼也只不過5元, 但在香港鍋貼就港幣2元起跳, 即台幣8元有多, 果真是寸金尺寸, 食品來港都先加貴租金在內~叫了套餐, 10 隻辣味鍋貼 + 酸辣湯, 就要28元, 比台灣貴了一半以上, 真是人離鄉賤, 物離鄉貴!首先咬一口鍋貼, 外皮質性不錯, 跟台灣的差不多, 但肉餡明顯比台灣的多, 因此亦失了平衡, 還是覺得台灣的口味較好食不會膩.再來一啖酸辣湯, OMG...跟台灣的差太遠了, 一點都不香, 也不好喝, 只有個酸字, 湯料也差很多, 根本不達標~唉!真的珠玉在前, 不可比較, 若沒食過台灣的八方雲集, 相信會覺得香港的八方雲集鍋貼還過得去, 價錢也算合理呢~
繼續閱讀
今天前往司徒拔道的景賢里參觀，去之前當然要先在灣仔醫肚了。我本來是想光顧金鳳的，但是因為外面等候的人很多，加上我要爭取時間前往景賢里，好讓我有更多時間參觀，故此最後改去了隔鄰不用等位的八方雲集。果然真的不用等位，一走進店內，店員就給一張座位給我坐下。坐下後，我隨即叫了一客新竹米粉+窩貼套餐。只是兩三分鐘左右，新竹米粉及窩貼終於端上來了。我首先吃的是窩貼。平時在一般上海菜館吃的窩貼，都是傳統的餃子形狀，而且外皮也很厚。但是該店的窩貼則不同了，它把窩貼製成長條狀，單是這一點已經相當特別，再加上煎起來，滲出了窩貼內的餡料的味道，而且外皮又相當薄，吃起來不會有"妹仔大過主人婆"的感覺。至於它的餡料，豬肉鮮腍，菜粒爽口，吃起來滋味萬分。至於新竹米粉，它的主角－米粉，吃起來十分清新爽口，肉丸也相當彈牙。最重要的是，這個套餐連飲品，只是三十元正，相當超值。我心想，在現今這個通脹狂潮之下，能夠用划算的價錢，吃到一頓滋味的午餐，已經算是萬幸的了。
繼續閱讀
尋日同frd 去灣仔睇畫展, 睇完出黎諗住去金鳳食dinner, 但太多人要等位, 同埋有d 野已售罄, 唯有轉地方. 行過隔離見到呢間八方雲集, 決定入去食鍋貼. 我同frd 每人叫咗一個大腸蚵仔麵線餐, 包一碗細麵線+5隻鍋貼+飲品.要咗5隻原味+5隻韓式辣味, 好好食! 煎得香香地個底有少少脆, ok有肉汁, 個人覺得韓式辣味好食d, 幾野味又唔會太辣.大腸蚵仔麵線, 唔好味, 一入口就覺得好味精, d餸勁少, 蚵仔兩粒+大腸兩粒. 食咗半碗左右, 唔想食...放棄.frd要咗凍豆漿, 佢話冇咩豆味好淡. 我要咗冰紅茶, 個茶底唔掂, 似茶包沖得唔好苦苦澀澀嗰d咁, 淨係飲到d糖水甜味, 好古怪...又係飲咗一半放棄.基本上, 只有鍋貼好食. 下次如果再去八方雲集都係叫個淨鍋貼食飽算數.
繼續閱讀
今晚經過諗住未試過叻間,就入去試吓,叫左個蚵仔大腸麵線,ok喎,有8成似台灣麵線,煱貼,水餃,新竹米線都ok,個酸棘湯就唔得,一定唔好叫凍飲,凍o茶,凍央一Ｄ都唔掂.
繼續閱讀
同朋友係附近想搵D野食，個時已經係晚上九點幾十點，經過呢度朋友話想食餃子，咁就衝左入黎啦。不過我地食到一半佢竟然關閘(？)，原來灣仔d食肆咁早收架？入到去既時候都係只有兩三檯客人，呢度係自己畫紙的，不過我地拎D紙上手睇既時候竟然見到一D之前既客人既Comment，大部分都係批評呢間店的，講到佢地竟唔衛生咁，哈哈，雖然我都唔會覺得好驚即刻唔敢食，但真係覺得好搞笑。可能太夜啦，所以有幾款水餃都無。每款餃子一定要叫五隻以上，最後我地總共叫左 3 款，每款 6 隻，即係 total 18 隻... haha，由於朋友肚餓所以大部分都係佢食多。招牌鍋貼" 相信佢係即刻煎因為我地等佢等左好耐，食落感覺比想像中好，起碼唔係我諗咁油膩。表面煎得少脆，餡料係椰菜同豬肉，味道唔係好鹹，都ok唔難食的。招牌水餃"其實餡料同以上一樣，呢個食落覺得外皮有點兒厚，但又未至於太過份的，餡料份量感覺都適中，咬下去有少少肉汁，一樣感覺就係ok。咖哩水餃"原本唔係叫咖哩的，不過叫既另一隻無哂。食落係有咖哩味，但其實一D都唔辣的，只係有咖哩既香味，唔算太重。不過都會蓋左少少肉既味道，其他形容都係同以上一樣，因為實在分別不大。兩個人食完 18 隻餃子夠哂滿足，之後就走了，雖然唔知衛生情況係咪真係好似D客人講到咁差，但我食完都無肚痛呀。XD
繼續閱讀