影片
更多
2023-03-08
107 瀏覽
呢間位於北角既小店坐位唔算多，所以記住要提早book位，包你有個難忘既omakase體驗🥰 Dinner Omakase分別有$980 / $1280 / $1480，當日可以問下師傅有咩時令或者稀有部位。先揀咗靚靚既Sake杯先，揀咗粉紅色同藍色玻璃四季紋，好精緻🫶🏻 Dinner Omakase係包埋120ml Sake 🍶 純米吟釀，甜甜地味道較為fruity😌前菜: 水雲 • 蓮藕 • 淮山 • 仲有小小吞拿魚內臟，送酒一流。🦪九州小長井生蠔呢隻蠔超肥美，蠔肉飽滿鮮甜，加咗少少檸檬汁同蘿蔔蓉，越嚟越期待之後嘅野食🤩螢光魷魚🦑 師傅十分細心，望住師傅每隻清除軟骨，眼同嘴後，再用火槍燒。燒完即刻聞到好香嘅膏味，啲螢光魷魚雖然唔係好大隻，但係隻隻都有膏。自家製磯煮鮑魚呢款係凍食，鮑魚好淋好入味，上面仲有啲鮑魚肝臟，有啲似蟹膏。配角蘿蔔都好正🥹 師傅見你中意食，又夾咗件蘿蔔，所以客人既每一個表情同讚美，師傅都會留意。海帶滑子菇湯🥣食咗幾款凍野，就黎碗熱湯暖一暖個胃。我第一次食滑子菇，口感有齊滑，鮮，嫩，脆。🌟鮟鱇魚肝脆餅呢個真係入口係wow一聲！🤤第一次食咁好食嘅鮟鱇魚肝，口感綿密順
先揀咗靚靚既Sake杯先，揀咗粉紅色同藍色玻璃四季紋，好精緻🫶🏻 Dinner Omakase係包埋120ml Sake 🍶 純米吟釀，甜甜地味道較為fruity😌
前菜: 水雲 • 蓮藕 • 淮山 • 仲有小小吞拿魚內臟，送酒一流。
🦪九州小長井生蠔
呢隻蠔超肥美，蠔肉飽滿鮮甜，加咗少少檸檬汁同蘿蔔蓉，越嚟越期待之後嘅野食🤩
螢光魷魚🦑 師傅十分細心，望住師傅每隻清除軟骨，眼同嘴後，再用火槍燒。燒完即刻聞到好香嘅膏味，啲螢光魷魚雖然唔係好大隻，但係隻隻都有膏。
自家製磯煮鮑魚
呢款係凍食，鮑魚好淋好入味，上面仲有啲鮑魚肝臟，有啲似蟹膏。配角蘿蔔都好正🥹 師傅見你中意食，又夾咗件蘿蔔，所以客人既每一個表情同讚美，師傅都會留意。
海帶滑子菇湯🥣
食咗幾款凍野，就黎碗熱湯暖一暖個胃。我第一次食滑子菇，口感有齊滑，鮮，嫩，脆。
🌟鮟鱇魚肝脆餅
呢個真係入口係wow一聲！🤤第一次食咁好食嘅鮟鱇魚肝，口感綿密順滑，油脂柔嫩香醇，連埋松葉蟹腳，互相提鮮，成個脆餅外脆內軟，真係一試難忘。
🥢開始到壽司環節，坐係bar枱欣賞師傅啲刀功，佢整既每一件都非常期待🤩
1. 蜜柑鯛~ 食落陣陣橘香，師傅仲講咗蜜柑鯛起源既故事
2. 深海池魚 ~ 口感Q彈，微微煙薰過
3. 梭子魚 ~ 師傅將皮界開再燒過，皮脆肉嫩
4. 甜蝦 ~ 仲配咗燒蝦頭膏同帆立貝，好鮮呀！
5. 目仁奈 ~ 有咬口，魚味濃
🔪然後就到師傳表演劏吞拿魚腩，一路劏一路解說，解體完之後我仲有得入bar枱入面打卡📸
6. 中拖羅 ~ 魚香恰到好處，非常甘香。
🌟7. 拖羅生死戀 ~ 用咗好脆既紫菜包住由火炙過既大拖羅配赤身，再加紫蘇葉，咬開咗果種魚脂香，真係好好食！
🌟8. 左口魚 ~ 魚油脂超香，火炙過後，啲魚油係口爆開，入口即溶，超香超好食。
北海道小川海膽😍 味道鮮甜，口感細膩軟滑，好滿足。
💓腦天 ~ 腦天即吞拿魚頭頂既肉，口感軟滑，筋少而脂肪多，魚味極濃！我第一次食咋，真係好正🥹
🌟雜錦刺身卷 ~ 首先呢度嘅紫菜真係好出色，非常之脆。呢個刺身卷入面係一啲飯都冇，由師傅DIY，每次都會唔同嘅刺身，食落去層次分明，咬落去仲有紫蘇香同芝麻香，出面完全食唔到😘
秋田烏冬配松葉蟹🍜 烏冬好Q彈，加上配咗松葉蟹，個湯都好鮮。
🍰櫻桃千層蛋糕，啲cream唔係講笑好正，食埋個甜品真係將今餐飯畫咗個完滿嘅句號🥰
今晚係由龍師傅🐉掌廚，好幽默，同bar枱6個客人打成一片😬 之前食omakase師傅都只係講下食材，今次龍師傅🐉非常健談同親切，同我地一齊傾一齊飲，氣氛溫馨，成個用餐體驗可以話係完美🥰
張貼
