潮城潮汕火鍋

營業中

休息中

乾淨嘅環境、有禮嘅待應、好食嘅潮汕火鍋。點咗蕃茄粟米豬骨湯底，諗住清清地食盡個牛香味。待應話基本上牛肉都係淥4-6秒就食得，啱晒心急嘅我。 ✦ 匙柄即牛前腿上方部位，係牛肉中最好食嘅部位之一。脂肪少、紋理清晰，口感嫩滑、肉味香濃。最為推薦。✦ 嫩肉牛腹同牛臀間嘅肉，同樣油脂較少，入口爽嫩。 ✦ 西班牙黑毛豬肉質結實，唔臊，肉味濃。完全唔輸蝕比牛肉。 ✦ 魚皮餃皮薄餡靚。皮好滑溜，魚肉新鮮。 ✦ 獅頭鵝肉丸第一次食，爽口彈牙、鮮味多汁。有淡淡嘅鵝肉香。 ✦ 炸蝦餅炸得啱啱好，金黃酥脆。口感彈牙、蝦味濃郁。 比起平日食嘅火鍋店，呢間好有心機。擺盤靚，肉類完全冇冰鮮感，睇得又食得。