影片
更多
2022-02-25
1331 瀏覽
禁咗堂食差唔多一個月，令人好懷念夜晚出街食飯嘅感覺。諗返起最後一餐飯，就喺Rustico食。適逢朋友生日，佢又喺荔枝角區返工，所以就揀咗呢間西班牙餐廳慶祝。呢度環境好別緻，入到去真係好似去咗歐洲咁，有旅行嘅感覺。我哋安排坐喺窗門隔離嘅位置，感覺更加有情調。服務人員好有禮貌，同我哋講解有咩嘢食。翻開個Menu，食物選擇好多。食西班牙嘢梗係要飲Sangria($88)，我哋嗌咗一紅一白，我就覺得水果夾紅酒多啲。前菜叫咗Bread tomato($48)同Iberian cold cut($148)，麵包烘得超爆脆，廚師叫我哋將蒜頭來回磨個麵包，等佢吸晒啲味，再加蕃茄同埋橄欖油食，好味😁至於cold cut係特選黑毛豬，由四款火腿組成，分量超多！侍應推薦我哋一個小食叫Broken Egg($98)，佢由香脆嘅薯條加上辣肉碎、半生熟雞蛋組成，口感好特別，我同朋友都好鍾意🥰至於主菜梗係要食西班牙黑毛豬海鮮飯($228)，再叫多一個Suckling pig($308)，兩樣都好有水準，連伴菜嘅薯仔都好好食😂最後甜品就叫咗churros($65)，脆條炸得好香脆，面頭仲有好多肉桂粉，再加埋冰凍雪糕朱
呢度環境好別緻，入到去真係好似去咗歐洲咁，有旅行嘅感覺。我哋安排坐喺窗門隔離嘅位置，感覺更加有情調。服務人員好有禮貌，同我哋講解有咩嘢食。翻開個Menu，食物選擇好多。
食西班牙嘢梗係要飲Sangria($88)，我哋嗌咗一紅一白，我就覺得水果夾紅酒多啲。
前菜叫咗Bread tomato($48)同Iberian cold cut($148)，麵包烘得超爆脆，廚師叫我哋將蒜頭來回磨個麵包，等佢吸晒啲味，再加蕃茄同埋橄欖油食，好味😁至於cold cut係特選黑毛豬，由四款火腿組成，分量超多！
侍應推薦我哋一個小食叫Broken Egg($98)，佢由香脆嘅薯條加上辣肉碎、半生熟雞蛋組成，口感好特別，我同朋友都好鍾意🥰
至於主菜梗係要食西班牙黑毛豬海鮮飯($228)，再叫多一個Suckling pig($308)，兩樣都好有水準，連伴菜嘅薯仔都好好食😂
最後甜品就叫咗churros($65)，脆條炸得好香脆，面頭仲有好多肉桂粉，再加埋冰凍雪糕朱古力慕絲，一啖熱一啖凍，為今個晚餐或想完美句號❤️🔥我朋友都好滿意呢餐，希望開返夜晚堂食可以再嚟過啦😆
張貼
