文華雞飯(新加坡)

營業中

休息中

夜晚肚餓喺大角咀搵食，見到呢間貼好多同明星合照既相，一於入去試吓。一共叫左兩個海南雞飯同一個砂礓雞腳小食。先講海南雞飯醬汁自己任落，海南雞正正常常冇乜雞味，佢全靠啲醬汁同個油飯令到整體感覺好食。但係重點，雞份量好少，主要靠下面嘅青瓜墊底，雞切得又薄又細，真係食完都唔覺食左，仲要賣$68一個飯，重點仲要有加一服務費。個人覺得唔值。仲有個小食$28砂礓雞腳價錢雖然平，但質素好一般，啲雞腳蚊到好淋，雖然入味，但口感唔好。整體而言，食過一次唔會再食。個人認為間餐廳裝修又舊衛生一般，唔明點解仲要收加一服務費。埋單兩位$180，但兩個都覺得唔夠飽。