上海老家 (已結業)

大角咀有間私房菜，煮得都不錯，今日同老公在次去光顧嘗試其他餸。今日嗌左份涼拌萵筍，小小辣，小小咸，冰冰涼涼好開胃。主食係京蔥爆牛肉，分量足，牛肉好大塊，牛肉味濃，彈牙有咬勁。京蔥甜又爽口，加埋牛肉，菇和醬汁爆炒，好香，好味，慫飯超級正。嗌左一份湯：油豆腐粉絲湯，配料不少，有白菜仔、粉絲、肉條、香菇、木耳、蝦米、筍和油豆腐。油豆腐嫩又滑又吸收湯啲甜味，好吃。粉絲分量好多。因為分量都大，3餸已經吃得好飽。今日收穫都大。