蘇山雞飯

營業中

休息中

相約朋友晚飯，朋友提議試試這家蘇山雞飯。既然以雞飯作店名，我和朋友都決定點雞飯～～～即使是雞飯，也有多款配搭，不止得海南雞飯一味！此外，也有供應喇沙、肉骨茶、娘惹咖喱等等，選擇充足！招牌海南雞飯，配油飯及雞雜冬瓜湯 ($85)，海南雞雞件嫩滑，份量足夠。油飯香氣十足，除雞油外，還有乾蔥及南薑粒，味道並不單調。雞雜冬瓜湯，好像未試過在餐廳飲到的餐湯有加入雞雜！雖然加入雞雜，但冬瓜湯仍然清甜，而且不油膩。吃油飯覺得有點膩時，飲一啖湯清一清就剛剛好！牛車水醬油雞飯，雖然醬油雞已經調味，但同樣配有三色醬。醬油雞滑溜得來又入味，醬油味不會太鹹，味道不錯。脆炸鳳尾蝦春卷，跟餐小食加$20，炸得酥脆的網狀春卷皮包裹著原隻蝦，入口鬆化得來又感受到蝦味。惟調味較淡，蘸酸辣醬吃會比較好吃～～鮮油咖央多士，加$15，塗滿咖央醬的香脆多士中間夾著又厚又冰凍的鮮油，鮮美的牛油香，配上甜甜的咖央醬，好吃得令人滿足！雪糕班蘭奶茶及雪糕薄荷咖啡，各加$18，班蘭奶茶上插入小紙傘，饒有風味！班蘭的淡淡香氣，與奶茶的味道相配不突兀。薄荷咖啡的薄荷味恰好，味道不會強得像飲了一口牙膏一樣。由主食、小食、餐湯以至飲品，質素都令