Lobster Une (已搬遷) 新店位置

今晚專登請朋友過嚟西貢食飯，之前喺呢間餐廳食個lunch，覺得OK，點知食晚餐覺得完全中伏。個waiter sell 本身Cl$688晚餐，有沙律,日式牛肉意粉、同德國豬手，本來諗住叫，之後佢又話如果唔鍾意食沙律，可改為half portion 海鮮拼盤, 我便以為是$688有拼盤加意粉同另一個主菜，點知最後先發現原來$688 只係得個half portion 海鮮拼盤，完全冇其他食物。完全誤導，大佬呀，$688淨係食半隻龍蝦，三四隻聖子，會唔會貴咗啲啊，仲要等左一個鐘零15分鐘先有個海鮮拼盤出，完全唔使烹調，都唔知點解要等咁耐。最後食咗兩個幾鐘剩係得半隻龍蝦，三四隻聖子，飲咗杯野之後買單要成千蚊。兩個人真係比較貴囉。最後想食個甜品，個侍應話起碼都要等30分鐘，我同朋友勁冇癮之下就埋單囉。