喜記避風塘炒辣蟹 (謝斐道)

營業中

休息中

人生必需用美食填滿的，同老公仔去完staycation順便食埋附近間喜記避風塘炒辣蟹，為我哋完美嘅假期畫上句號❤️嚟得呢度點可以唔試下佢地既招牌避風塘炒辣蟹，蒜蓉炸到勁香甘黎炒啲蟹，好難唔好食喎😋蟹肉好新鮮同嫩滑，爽哂啲味，一碟都唔係好夠食🤣椒鹽九肚魚拼白飯魚🤩🤩🤩炸皮又薄，魚肉好滑！好滑！嗰一啖唔使點咬就吞左啦😋😋暫時得呢間係有咁嘅口感，未搵到有其他可以代替到😏😏😏香脆可口，點上調味料，更惹味🐒招牌醉鮑魚賣相與味道都無得輸，食落好有酒味，切開幾易入口 呢樣值得一讚嘅👍🏽豉椒炒蜆有肉食，有鑊氣又好味😋粒粒都無沙😆招牌蟹油炒麵當中麵質地適中，少少蟹味香，食落惹味可口，食唔停口！整體環境都好乾淨，嘢食熱辣辣又好快送到。其實睇個menu真係咩都想試，下次一班人去叫多D餸一齊食，再啤啤佢一定會好爽！🍻