影片
更多
2018-12-22
1381 瀏覽
話說星期日喺城隍街樓梯發現呢間小店，裝修又係（扮）懷舊香港特色嗰隻，舖頭外面有張康樂棋枱同幾張鐵枱櫈，都坐咗啲人，入面有張bar枱，餐牌放喺枱面，原來佢主要係賣魚蛋燒賣、腸粉、碗仔翅咁。好肚餓呀...整份豬肉燒賣加個撈麵先啦。不過店外店内都見唔到有侍應/收銀，淨係見到open kitchen度有兩個人，咁我拎住個餐牌問其中一個女人（下稱A）：「想問下係咪喺度嗌嘢食？」但係A冇直接回應我個問題：「唔好同我講嘢住！我好唔得閒！」Ok，我當你工作壓力大，不幸患上躁狂症。於是我等咗陣，將目標轉移去隔離一個包緊燒賣，外表睇落林善啲嘅女人（下稱B），點知以貌取人都係唔啱⋯⋯佢都未聽我想要咩，就話：「你等等好冇，我而家得豬皮同魚蛋架咋！」語氣唔好得過A幾多。A開始唔耐煩：「我而家煮緊我個碗仔翅，如果我理你，就煮唔到碗翅！」心諗你唔識multi-tasking ，淨係可以做一樣嘢，你出面啲客可能已經餓死咗，我係唔係要半年前落單先食到你碗翅？我唔甘心，再追問：「咁出面有冇其他人幫手落單？」B再施展趕客絶技：「冇，出面係公眾地方。」嘩！啲答案咁無敵，冇人駁斥到你哋啦。我就好有禮貌咁講：「咁冇計，下次先。」
好肚餓呀...整份豬肉燒賣加個撈麵先啦。不過店外店内都見唔到有侍應/收銀，淨係見到open kitchen度有兩個人，咁我拎住個餐牌問其中一個女人（下稱A）：「想問下係咪喺度嗌嘢食？」但係A冇直接回應我個問題：「唔好同我講嘢住！我好唔得閒！」
Ok，我當你工作壓力大，不幸患上躁狂症。於是我等咗陣，將目標轉移去隔離一個包緊燒賣，外表睇落林善啲嘅女人（下稱B），點知以貌取人都係唔啱⋯⋯佢都未聽我想要咩，就話：「你等等好冇，我而家得豬皮同魚蛋架咋！」語氣唔好得過A幾多。A開始唔耐煩：「我而家煮緊我個碗仔翅，如果我理你，就煮唔到碗翅！」心諗你唔識multi-tasking ，淨係可以做一樣嘢，你出面啲客可能已經餓死咗，我係唔係要半年前落單先食到你碗翅？我唔甘心，再追問：「咁出面有冇其他人幫手落單？」B再施展趕客絶技：「冇，出面係公眾地方。」嘩！啲答案咁無敵，冇人駁斥到你哋啦。我就好有禮貌咁講：「咁冇計，下次先。」今次到A秒回我：「bye bye!」之後我頭也不回行出門口，行到樓梯口，都聽到A一輪咀咁向我個方向喧嘩，內容大概圍繞佢有幾忙，理唔到我之類。小弟素來和理非非，除咗向佢報以微笑仲可以點？
呢間雖然一睇就估到唔係賣高效率嘅小食，係賣即叫即整、休閒感覺為主，想人扮下文青品味生活咁。都明白啲食物可能冇咁快整好，但估唔到會連基本禮貌都冇，唔識尊重個客。我本身都係欣賞你間舖先入嚟買嘢食啫，講句嘢使唔使去到咁盡呢？假設澳牛、九記嘅service係B10地獄級，呢間老友記認咗B17，應該冇人同佢爭B18。
後話：我好奇上openrice揾下間嘢，原來未開file （我幫佢開返個）...不過見到佢喺google 評分有五星㗎，仲有人大讚有個kind and welcoming owner，所以我懷疑煮緊嘢嗰兩個都唔係老細。但點解google comment 又完全冇提及呢個伏呢？真係答你唔到。
張貼
