老友記 (已結業)

一間充滿人情味嘅美食良心店，老板娘豪爽加點火爆直言性格，但佢煮啲嘢又幾好食喎，蝦醬櫻花蝦炒腸粉，第一次聽第一次食，加少少乾辣椒一齊炒好惹味好正，全晚主角應該係個碗仔翅，老板娘落足材料去先煲幾個鐘湯底(鮮雞，豬骨，甘荀粟米，乾瑤柱等)，最後將雞拆肉再調味，飲落去同外面完全唔同，湯底係飲到有雞同豬骨嘅鮮甜味道，碗入面仲有好多材料，呢個亦係老板娘重點推介一定要點嘅食物，另外仲有係燒賣，唔係普通燒賣，係自己包自己包自己包，勁呀，燒賣都自己包，自己買豬肉剁完再包再蒸或用氣炸鍋炸，不過呢個我無食，下次再去試，今晚仲食到我至愛嘅蠔，蠔仔炒蛋，加埋少少芫荽一齊炒，勁香勁好食，蠔仔脹卜卜好鮮甜，最後食埋豉汁蒸帶子，好滿足，大家要去嘅記得唔駛睇餐牌揀食咩，去到問老板娘今日有咩食就得，因為佢係去街市買到乜就煮乜。

著旗袍食燒賣都係第一次🥰有舊香港情懷的餐廳已經買少見少📺一入到去事頭婆 勁nice招呼，介紹佢多年既珍藏⏳周圍都見到陳百強同哥哥既蹤影📀未食野已經體驗到人情味💕旗袍都係佢幫我揀的，有s到xl碼，可以比人著住打卡🎎（事頭婆話d衫成日都洗架）棍打豬肉燒賣 $20/3 粒🐖落左單先開始蒸，一打開，蒸氣同香氣一齊湧出，點一點豉油同辣椒油，一咬，結實有勁，豬肉鮮味流連在齒縫之間😋 呢個價錢呢個咪道，絕對值得💞

係呢個地區有間個性小店賣港式街頭食物又真係少有D～😉🌟老友記的燒賣係老闆娘親自包的，老實講價錢對比起其他手工燒賣真係偏貴，（$28 3粒）不過佢真係人手限量製作，即叫即蒸，雖然等得耐少少，總算係真材實料啖啖肉另外仲飲咗杯老闆娘推介：薏米水呢個中規中矩🌟不得不提店舖裝修係以老香港為主題，啱晒喜歡懷舊風嘅我😌我去當日相信老闆娘心情唔錯，都幾熱情咁介紹自己嘅招牌食物 (好似碗仔翅、炒腸粉等等）佢仲叫我隨便影相，如果我有興趣可以借啲旗袍俾我影😆😆去開附近可以去試下，如果特登去都幾格攝🙈

話說我係陪朋友嚟食，因為佢個地點其實真係唔多就腳，如果唔係朋友話想試吓，又打吓卡，我真係未必會山長水遠過嚟食佢碗成$28蚊嘅碗仔翅😕老實講味道又唔差嘅，整體上覺得應該無落到味精，同無落咁多化學野，所以唔似平時出邊食嗰種有起膠嘅感覺！之後仲叫咗燒賣、魚蛋仲有豬皮雖則佢話係自家製，但索價$18先得3粒燒賣，也未免有點貴了！而且只係細細粒🤷🏻‍♀️魚蛋同豬皮都好普通，甚至覺得味道太重，有點鹹...總結來講唔會有下次😒

大伏! 大伏! 中西區不嬲都唔多呢啲小店賣腸粉燒賣，見到新開咗間就即刻去試啦燒賣 📍 $18佢地話係一早去買新鮮豬肉做，不過呢個價錢得3粒，真係有啲過份碗仔翅 📍 $28睇得出佢係足料嘅，味道都正常嘅蝦米腸粉 📍 $18呢個價錢得3條腸粉，係平時嘅double. 都唔緊要，重點係好散，見到個賣相已經覺得好唔吸引港式奶茶 📍 $15最差嘅一樣! 唔知係咪啲奶壞咗，我無諗過奶茶都可以咁差。😕 又苦又澀，我自己沖都好飲過佢。飲咗一啖，成杯放棄咗老闆娘態度ok 嘅，仲邀請我地入去裡面坐，話鍾意個種懷舊feel, 突登裝修到咁嘅。仲話如果係到食嘢，可以免費着佢啲旗袍黎影相。佢地另外都會租旗袍出街，價錢可以用返係呢到食嘢

幫襯過兩次，唔會有第三次，第一次，平日，就只有一個男的看鋪出品，我點了燒賣等小食，佢就硬銷人食佢個所謂得意之作碗仔翅，價錢貴，細碗，但味道確實唔差但賣到$28真係有啲那個，第二次幫襯，周日，見到個紋身女的(後來得知是傳說中的事頭婆) 在主理出品，嘩，真係聞名不如見面，我大概逗留了三十分鐘，已見識了她的待客之道，漏單，出品極慢，極度hard sell, 串客，鬧客，極大口氣，連我幾年冇出po都忍唔住要為佢再次執筆，當日有家人很斯文的，想外賣個碗仔翅加其他小食，嘩，大鑊了，被那個情緒事頭婆噴了近10分鐘，大概話人唔環保點解唔喺度食埋先走各樣那樣這般，果家人嚟幫襯無啦啦被佢噴到一面屁，場面極度尷尬，期間夠膽死有人催單，唉咁梗係又比事頭婆插啦，總之出佢口的冇一句令人舒服，句句唔係單打就直接串/插你，言詞間又踩盡全港小食店，堪稱佢出品既碗仔翅係最好食。。。。唉。。呢個人，講野時面部表情極度浮誇，作風十分嘩眾取寵，又完全不會尊重別人，還有，不知那裡來的自信，豬扒包定價$38, 憑什麼？埋單又要客人自己計數， 果日得果幾個客就冧晒檔，客都未詐形佢就先發制人，哈，真係希望佢生意興隆

Passed by this corner shop by accident, I went in for a tea time quick bite.I tried the 足料碗仔翅 as my first time here, the texture is quite different from what I used to eat. It was not as oozy as the others, but this one is more rich in terms of flavours, with strong taste of mushroom and soup stock.I also tried the recommended 自家製鮮肉燒賣 and 豬皮, they are also flavourful and full of ingredients.After that I round up the meal with a 煉奶厚多士, it was baked to crispy and the condensed milk is so yummy!

個老闆娘心情唔好就出嚟鬧客，鬧完d客就叫個客走，我坐係離食嘢都比佢影響到心情，果個客走左之後，佢仲不停用粗口數個客，原來果個客只不過是問佢幾錢及埋單找數想走。點知個女人不停閙個客並說因為佢㑫晤倒嘢喎。之後佢走嚟我張枱發脾氣，大聲話我無心情整你哋個豬扒包，我即時怕左佢就答唔要啦，佢又即刻怒啤我，之後轉身走。其實由一開始，我入去鋪買嘢、坐低，自助攞嘢食、果女人句句都串爆，請我食左唔少氣，真係不知所謂！如果你想食一肚氣(包你飽)、或來受氣、或想食超鹹唔似碗仔翅的碗仔翅，你可以來試下！(ps. 我梗係唔敢係佢面前話佢d碗仔翅鹹，我驚佢發癲！)

當天接近傍晚時分到達，因為怕太夜到達舖頭已關，所以事先打了電話過去詢問一下。誰料老闆娘很好的回答，店還沒有關，但食物已所剩不多了，在電話中告知還有什麼什麼食物等。因不太熟路的關係，老闆娘還在電話中簡單告知店舖的位置，真的很細心。到達時以為都沒什麼好吃了，豈料老闆娘確認了一下我們是剛才致電的人客後…便告訴我們，剛剛有人想掃清她的食物，但她說要留一些給我們，不想我們過來後卻沒東西吃…所以我們幸運地有口福了，老闆娘很有心地留了一份燒賣和兩碗碗仔翅給我們。自家製的燒賣真的好好味，可惜想多點一份也沒有了，有點可惜碗仔翅則和平時吃的不同，吃得出並沒有落生粉，不像平時街邊吃的那樣桀塌塌的。一場來到只吃那一點點好像有點不足，於是問下老闆娘還有什麼好吃的。老闆娘推介她的招牌豬扒包，於是點了一個來吃，還配上了一杯熱奶茶。呢個豬扒包，看似平平無奇，但一吃卻會愛上，真的很好吃呢！老闆娘還細心的替我們把豬扒包cut開了一半熱奶茶都很不錯，老闆娘細心提醒今天的奶茶比較濃，但飲落又很不錯喎~~食完後埋單結賬，老闆娘忙著玩康樂棋叫我們自己計下幾多錢埋單。呢種結賬模式，完全體會到老闆娘對顧客的信任。是次食得好開心、好滿

今日同幾個朋友嚟食lunch，買咗碗仔翅，豬扒包，咖喱魚蛋，腸粉，燒賣⋯⋯好似飲茶咁樣樣我想講個豬扒包真係好好食我哋幾個都覺得好食過澳門豬扒包另外老闆娘冇其他人寫得咁差我覺得佢好Nice好健談，而且親力親為

從堅道行經長樓梯一直往下行，帶着尋幽探秘嘅精神，想發掘一間有趣的店舖，Tea一tea。點知中伏！在門外見到有枱有凳，想看看餐牌時，有一在飲紅酒的食客叫我們進去叫餐，入內見一女子在煮食，就問他她是否在這裏點餐，接着一連串的不禮貌的話語就在耳邊響起來，再問他她是否在這裏點餐，她就說他寸得起，我完全唔知佢做乜，好似食咗藥，不停鬧人。最後只好與友人一起離開，剛步出店門，便聽到一連串的粗口，我未食嘢，已一肚氣。如果九記服務令人不滿，那老友記就是神級地獄！

前排喺網上睇到介紹，於是放假就去試下。當日我11點半去到，見到剛剛開門，就入去想叫嘢食。一入到去，就見到老闆同另外一個客人講而家冇嘢食，你一個鐘頭後再黎過啦。咁個客當然問唔係開11點半咩？老闆娘即刻回應我係開11點半呀不過冇話11點半有嘢食。你一個鐘後黎過啦！我聽到都好愕然，不過見放假就無所謂，喺隔離行下再黎過啦～好啦！咁12點半再過去，最後係要1點鐘先開始有野食。當時老闆話得腸粉，咁我去排隊諗着食住腸粉先，點知個老闆完全冇理嗰條隊，邊個搶先左比邊個。最後當然我又要再等過啦。我就好客氣咁同老闆講，我地排緊隊，同埋我11點半已經黎左等到而家。點知個老闆娘好大聲咁反問我「咁點呀？咁你想點呀？咁對唔住囉！　」當時真係嬲到一個點，你自己寫開11:30結果成1點先開都算，開門得一樣野食都算，俾人插隊都算，最大問題係態度點可以咁差。唔睇啲雜誌介紹都唔會相信你係個老闆。嬲到諗住唔食啦，不過見朋友想等，我唯有再等。佢一邊煮一邊就鬧人，啲客問佢有無燒賣，佢就大聲話：「唔好再問有無其他野，我唔得閒！」連基本禮貌都無，仲話保育！呢位唔識尊重人唔識尊重自己既老闆，不得了！唔會再黎！

老友記之前喺fb見到佢地既promotion 吸引左我特登行上山去試下 佢既地點唔算方便 要喺PMQ對面有條樓梯行上去 佢既裝修好特別 好懷舊 好似六七十年代既茶記咁 我試左佢最出名既手打燒賣 系相當唔錯 食得出系有唔少功夫整成既 再加埋一支暖暖既維他奶 同埋有一個幾靚既環境 足夠你喺呢到渡過一個休閒既下午😎 p.s. 因為佢地系小店經營 服務態度超好 好有人情味👍🏻

話說星期日喺城隍街樓梯發現呢間小店，裝修又係（扮）懷舊香港特色嗰隻，舖頭外面有張康樂棋枱同幾張鐵枱櫈，都坐咗啲人，入面有張bar枱，餐牌放喺枱面，原來佢主要係賣魚蛋燒賣、腸粉、碗仔翅咁。好肚餓呀...整份豬肉燒賣加個撈麵先啦。不過店外店内都見唔到有侍應/收銀，淨係見到open kitchen度有兩個人，咁我拎住個餐牌問其中一個女人（下稱A）：「想問下係咪喺度嗌嘢食？」但係A冇直接回應我個問題：「唔好同我講嘢住！我好唔得閒！」Ok，我當你工作壓力大，不幸患上躁狂症。於是我等咗陣，將目標轉移去隔離一個包緊燒賣，外表睇落林善啲嘅女人（下稱B），點知以貌取人都係唔啱⋯⋯佢都未聽我想要咩，就話：「你等等好冇，我而家得豬皮同魚蛋架咋！」語氣唔好得過A幾多。A開始唔耐煩：「我而家煮緊我個碗仔翅，如果我理你，就煮唔到碗翅！」心諗你唔識multi-tasking ，淨係可以做一樣嘢，你出面啲客可能已經餓死咗，我係唔係要半年前落單先食到你碗翅？我唔甘心，再追問：「咁出面有冇其他人幫手落單？」B再施展趕客絶技：「冇，出面係公眾地方。」嘩！啲答案咁無敵，冇人駁斥到你哋啦。我就好有禮貌咁講：「咁冇計，下次先。」

上星期日晚上跟沉大師補祝生日，換來一個充滿樂趣的午餐，皆因我發現了老友記 Lo Yau Kee這間有性格又有人情味的小店！(文章有成人內容請小心觀看) 在香港有這樣共用的空間真的小之又小，來到後絕對會有種不捨離開的感覺！ 樹蔭看著人海悲歡愛恨都記載、二百年後所有事物都種出青苔墳墓見證花開！！ 老友記老闆娘Gi Gi是位超爽朗有性格的女生，來這兒吃東西别指望有人服侍喔！全部都要做潮州人自己顧自己！！偽鐵皮屋門前更擺放了康樂棋供客人玩樂，唔知大家有冇玩過康樂棋呢！ 食店內有不少兒時寶物，木摺檯椅 、鐵膽水壺、珠珠掛簾、椂架床，通通是我小時候的用具！ 小時候最喜歡看的老夫子、姊妹，甚至乎男人恩物龍虎豹都找得到(掩面)！！ 先見到有老闆娘是日精選BB粥仔，內有有皮、鹹雙蛋好足料噃。 她便是Gi Gi每樣也親力親為，食物大部分即叫即製等候須時，如果趕時間我奉勸您别要來了！！她正準備足料魚唇碗仔翅，還有洋蔥豬扒包和自家製豬肉燒賣很期待喔！ 排好隊等燒賣和腸粉出籠，其間篤串陳皮魚蛋食住等先！ 辣汁 終於等到少許美食上手，有足料碗仔翅＄20，陳皮魚蛋＄10，自家製燒賣＄12