影片
更多
2025-02-09
148 瀏覽
上年老公生日食過覺得幾好味，所以今年又返嚟回味下牛魔王就梗係叫和牛盛宴，估唔到今年味道同用料都升咗level！先嚟前菜5品盛，店員介紹返每樣係啲咩，然後介紹埋食嘅順序。淨係靚靚擺盤已經賞心悅目，由青梅凍同番茄開始清清個口先，鮟鱇魚肝甘香綿滑，再去到鬆脆嘅牛肉鬆盒、香脆嘅和牛多士，每一樣都好似輕輕同味蕾熱咗個身咁，如果再配返支香檳或者sparkling 就一流喇！然後係A5和牛肩胛肉刺身，伴黑松露及魚子醬。黑松露唔係醬而係即刻喺你面前一片片咁批落嚟，食之前已經聞到好香！本來我覺得油分多嘅肉係要燒到香口先好食，但估唔到俾呢個配搭下嘅和牛驚艷到我！和牛軟滑嘅油脂香、加上魚子嘅鹹香、再加埋松露嘅菌香，真係非常出色！然後係和牛紫菜脆餅，舊年都有，一食驚為天人。雖然今次天人去咗刺身度，但呢個脆餅仍然勁正，魚子醬、山葵、海膽、和牛、飯同紫菜，有無得再夾啲？🤤然後回歸基本嘅煎和牛柳，用靚靚嘅和式器皿裝住，牛脂香即刻出晒嚟，配搭旁邊蒜片蕎頭青椒仔食用又即刻無咁漏。跟住落嚟上嘅牛肋骨辛香煮味道開始加重，甜甜地，少少刺激，牛同配菜都炆得好冧，好入味跟住嘅炙燒內裙燒得香口，口落非常好肉味，齋食已經好好jap，
牛魔王就梗係叫和牛盛宴，估唔到今年味道同用料都升咗level！
先嚟前菜5品盛，店員介紹返每樣係啲咩，然後介紹埋食嘅順序。淨係靚靚擺盤已經賞心悅目，由青梅凍同番茄開始清清個口先，鮟鱇魚肝甘香綿滑，再去到鬆脆嘅牛肉鬆盒、香脆嘅和牛多士，每一樣都好似輕輕同味蕾熱咗個身咁，如果再配返支香檳或者sparkling 就一流喇！
和牛盛宴·季節前菜五品盛
0 瀏覽
1 讚好
0 留言
然後係A5和牛肩胛肉刺身，伴黑松露及魚子醬。黑松露唔係醬而係即刻喺你面前一片片咁批落嚟，食之前已經聞到好香！本來我覺得油分多嘅肉係要燒到香口先好食，但估唔到俾呢個配搭下嘅和牛驚艷到我！和牛軟滑嘅油脂香、加上魚子嘅鹹香、再加埋松露嘅菌香，真係非常出色！
和牛盛宴·A5和牛肩胛、黑松露、魚子醬
6 瀏覽
1 讚好
0 留言
然後係和牛紫菜脆餅，舊年都有，一食驚為天人。雖然今次天人去咗刺身度，但呢個脆餅仍然勁正，魚子醬、山葵、海膽、和牛、飯同紫菜，有無得再夾啲？🤤
和牛盛宴·A5和牛紫菜腰脊脆餅
0 瀏覽
1 讚好
0 留言
然後回歸基本嘅煎和牛柳，用靚靚嘅和式器皿裝住，牛脂香即刻出晒嚟，配搭旁邊蒜片蕎頭青椒仔食用又即刻無咁漏。
和牛盛宴·香煎A5和牛柳
0 瀏覽
1 讚好
0 留言
跟住落嚟上嘅牛肋骨辛香煮味道開始加重，甜甜地，少少刺激，牛同配菜都炆得好冧，好入味
和牛盛宴·A5和牛牛肋肉辛香煮
0 瀏覽
1 讚好
0 留言
跟住嘅炙燒內裙燒得香口，口落非常好肉味，齋食已經好好jap，配搭黑醋汁又係另一個境界。
和牛盛宴·炙熱A5和牛內裙
0 瀏覽
1 讚好
0 留言
最後大佬嚟喇！壽喜燒和牛，會有一塊西冷同一塊肉眼，好似塊面咁大，呢個時候都已經八成飽，真係有啲心虛唔知食唔食得晒。
和牛盛宴·壽喜燒：A5和牛西冷、肉眼
0 瀏覽
1 讚好
0 留言
可以揀跟稻庭烏冬定飯，兩樣都係好值得一試，但要舔盡壽喜燒個汁就一定係揀飯，何況飯仲跟漬物同麵鼓湯。
第一片肉會跟埋蛋漿上。和牛本來就滑㗎喇，加埋蛋漿加持真係好食到喊，就咁就食晒成碗飯咁滯，已經飽咗🤣
和牛盛宴·西冷壽喜燒配烏冬
0 瀏覽
1 讚好
0 留言
第二片就原鍋連埋配野菜五品盛上，同上年有啲唔同，可能想keep住個熱度？但就唔太靚仔囉⋯⋯其實到呢塊真係開始飽，畢竟和牛油脂唔係講少
和牛盛宴· 肉眼壽喜燒
2 瀏覽
1 讚好
0 留言
最後甜品係生果，可以解一解膩。預約嘅時候講係生日，店員好細心咁問埋壽星個名，放生果嘅碟就會變咗做 birthday plate，俾壽星吹下蠟燭咁
總括而言每道菜都用咗唔同部位嘅牛肉，配唔同處理法，有唔同嘅香氣同口感，勁有心思，果然係盛宴，牛魔王食得極滿足。
話香港嘢貴咩？但我覺得真係一分錢一分貨。就算去日本本店食，因為匯率關係，半價好似好抵，但又邊有咁癲嘅course？
張貼
