影片
更多
2021-11-08
493 瀏覽
今日過開嚟北角做嘢，同事話想打邊爐，搵到馬寶道有間餐廳食火鍋。 餐廳以宮廷特色做主題，門口位置放咗張龍椅，勁有氣派，啱晒影相打卡。檯面仲放咗張聖旨，打開原來係申請會員嘅資料。 呢度啲湯底都用咗唔同嘅宮廷人物命名，我哋揀咗順治特色卜卜蜆鍋，因為個湯底加咗乾冰，一上檯就有好多煙，好有睇頭。食之前一定要試試個湯底，個湯底吸收晒蜆嘅精華，非常鮮甜。啲蜆有好多，粒粒都算幾肥美，而且無沙，份量都幾多，食晒成煲蜆已經飽得七七八八。 講到最值得推介一定要試個黃金炸魚皮👍👍👍，又香又脆，非常足料，鹹蛋味重，而且能夠做到鹹蛋醬附喺炸魚皮表面，呈流沙狀態，邪惡指數真係爆晒標😈。 手切頂級安格斯牛肉擺盤精美，雖然叫咗個細份，但係個份量都已經好多，肉質好嫩好滑，脂肪比例均勻，口感細緻。手打珍珠帶子墨魚丸真係粒粒手打㗎，食落去都幾爽口彈牙。 黑松露野菌餃好大粒，餡料好豐富，一咬開已經充滿黑松露香味，而且啲皮又唔會太厚。
今日過開嚟北角做嘢，同事話想打邊爐，搵到馬寶道有間餐廳食火鍋。
餐廳以宮廷特色做主題，門口位置放咗張龍椅，勁有氣派，啱晒影相打卡。檯面仲放咗張聖旨，打開原來係申請會員嘅資料。
呢度啲湯底都用咗唔同嘅宮廷人物命名，我哋揀咗順治特色卜卜蜆鍋，因為個湯底加咗乾冰，一上檯就有好多煙，好有睇頭。食之前一定要試試個湯底，個湯底吸收晒蜆嘅精華，非常鮮甜。啲蜆有好多，粒粒都算幾肥美，而且無沙，份量都幾多，食晒成煲蜆已經飽得七七八八。
講到最值得推介一定要試個黃金炸魚皮👍👍👍，又香又脆，非常足料，鹹蛋味重，而且能夠做到鹹蛋醬附喺炸魚皮表面，呈流沙狀態，邪惡指數真係爆晒標😈。
手切頂級安格斯牛肉擺盤精美，雖然叫咗個細份，但係個份量都已經好多，肉質好嫩好滑，脂肪比例均勻，口感細緻。
手打珍珠帶子墨魚丸真係粒粒手打㗎，食落去都幾爽口彈牙。
黑松露野菌餃好大粒，餡料好豐富，一咬開已經充滿黑松露香味，而且啲皮又唔會太厚。
張貼
