宴．鐡板燒 (亨環‧天后)

營業中

休息中

中午黎呢道食午市定食,選了最平既餐,冇咁多道菜式,但價錢相宜同埋食到好飽。每樣野都有心機做,花工夫。前菜係醃左3小時既墨魚,好入味同埋好淋,好惹味。季節刺身有秋刀魚同埋鯛魚,一D都唔腥,好新鮮。漬物有好多款,酸酸地,清左個口,再食其他野會好好多。有D漬物我第一次試,好特別。師傅仲幫問我中意邊款,加左比我食。壽司都兩個,食到鮮魚係我口跳動既感覺。沙巴蝦個頭經處理,燒到好似蝦片咁,好脆。蝦肉好大粒,有咬口。鵝肝伴藍莓醬,伴香脆法式多士食,兩者好夾。厚燒牛柳跟海鹽,7成熟剛剛好,好易入口。櫻花蝦炒飯,蝦既份量好多,櫻花蝦令到個炒飯好惹味。椰菜既醬好開胃,好好食。麵是湯好飲。咁既景咁既價錢夠公道。