影片
更多
2024-06-26
65 瀏覽
呢間法式小館喺中環其實超級人氣，我哋平日夜晚嚟都full house。佢哋主打以親民價錢食到正宗嘅法式料理，而且環境十分溫馨舒適，無論拍拖定係聚會都好適合。龍蝦湯龍蝦湯超級濃郁，配上脆卜卜嘅法國麵包，下次超級想試埋佢哋嘅洋蔥湯！法式焗蝸牛法式料理最經典一定係蝸牛，呢度嘅蝸牛味道超級香，必食推介！香草燒黑毛豬鞍架配焗薯豬鞍表面煎到脆卜卜，內裏保持粉嫩，咬落去好Juicy。隔離嘅伴菜都超好食，尤其是係薯仔，有種特別嘅香味，喺呢啲細微位都整得咁好，盡顯餐廳製作嘅用心。黑松露野菌意粉一放上枱已經聞到陣陣嘅香味，入邊嘅有唔同嘅野菌，全部煎香以釋出菇味，配合埋al dante 嘅意粉，好出色。朱古力心太軟配雪糕一頓法國餐最緊要緊係要有甜品做結尾，心太軟焗到恰到好處，外皮輕輕焗脆，入面軟熟，一切落去啲朱古力醬爆炸性咁流晒出嚟。朱古力雪糕都別有心思，入邊係有一粒粒嘅朱古力碎，好好味。餐廳仲有紅白酒買一送一優惠，可惜我哋唔飲，但係真係超級抵呀！今次食完之後，第二日我已經心掛掛想再去多次🥹
龍蝦湯
龍蝦湯超級濃郁，配上脆卜卜嘅法國麵包，下次超級想試埋佢哋嘅洋蔥湯！
法式焗蝸牛
法式料理最經典一定係蝸牛，呢度嘅蝸牛味道超級香，必食推介！
香草燒黑毛豬鞍架配焗薯
豬鞍表面煎到脆卜卜，內裏保持粉嫩，咬落去好Juicy。隔離嘅伴菜都超好食，尤其是係薯仔，有種特別嘅香味，喺呢啲細微位都整得咁好，盡顯餐廳製作嘅用心。
黑松露野菌意粉
一放上枱已經聞到陣陣嘅香味，入邊嘅有唔同嘅野菌，全部煎香以釋出菇味，配合埋al dante 嘅意粉，好出色。
朱古力心太軟配雪糕
一頓法國餐最緊要緊係要有甜品做結尾，心太軟焗到恰到好處，外皮輕輕焗脆，入面軟熟，一切落去啲朱古力醬爆炸性咁流晒出嚟。朱古力雪糕都別有心思，入邊係有一粒粒嘅朱古力碎，好好味。
餐廳仲有紅白酒買一送一優惠，可惜我哋唔飲，但係真係超級抵呀！今次食完之後，第二日我已經心掛掛想再去多次🥹
張貼
