賣撻

營業中

休息中

適逢有個朋友生日，見到石門附近有間糕點評價幾好既樓上鋪，撻既種類大概有十二種口味，每種口味都十分獨特，例如有- 十萬伏特朱古力覆盆子- 麻糬艾菲蘋果撻- 南瓜焦糖碧根果仁撻配搭十分有創意，每個口味都想試。最後揀左富士一舊雲，即係薄荷朱古力撻。薄荷朱古力蛋糕薄荷味濃厚，好creamy，口味清新，同時黑朱古力味道不會太甜而帶微甘，有助解膩。表面鋪了幾片薄荷葉，成個造型好似富士山。將藍色既棉花糖放上去就好似一舊雲飄浮一樣，整體配色好靚，好睇又好食。蛋糕可以自取，店主仲特意放了一塊乾冰在袋中，延遲蛋糕融化的速度，令蛋糕保持最佳狀態，非常細心。