影片
更多
2020-06-04
2987 瀏覽
之前喺附近上堂嘅時候已經留意到呢間日式餐廳，因為佢起咗一個好靚嘅店名，望入去係日式居酒屋嘅格局。一睇門外嘅menu原來主打廚師發辦，所以一早相約朋友等佢生日嘅時候嚟食晚飯，好彩一早預約咗，晚上七點嚟到已經滿座。餐廳嘅裝修有種實而不華嘅感覺，牆上面貼滿咗各種日本酒嘅招紙，別有一番風味。餐廳唔算大，只有五至六枱可以坐喺吧枱，好在預約時有交帶低，侍應安排我哋坐咗喺靠近門口嘅吧枱位置，可以近距離欣賞到師傅嘅手勢。餐牌有兩款廚師發辦可以揀，分別係爍雨同焰月，我哋揀咗較為經濟嘅焰月，內容望落非常豐盛。最先送上嘅係前菜——苦白菜紫薯蓉配冰菜，賣相相當精緻，面頭仲鋪上金箔，為菜式添上一絲矜貴。紫薯蓉味道非清甜，口感軟綿濕潤，加上清脆嘅苦白菜，配搭令人眼前一亮。享用完非常有驚喜嘅前菜，就輪到刺身五點。打頭陣嘅係間八魚，刺身切得夠薄，望落晶瑩剔透，加上花瓣同蔥花做點綴，非常精緻。間八味道清澈，加上酸汁同青蔥卷起一齊食，清新開胃。第二道係深海池魚配山藥，池魚味道清甜，口感清爽，配搭黏膩滑順嘅山藥泥同味道鹹鮮嘅三文魚子，一拍即合。日本象拔蚌冇經過過份嘅沖洗，保留咗天然嘅海水鹹鮮味，甘香馥郁，入口爽滑，沾上少量
之前喺附近上堂嘅時候已經留意到呢間日式餐廳，因為佢起咗一個好靚嘅店名，望入去係日式居酒屋嘅格局。
一睇門外嘅menu原來主打廚師發辦，所以一早相約朋友等佢生日嘅時候嚟食晚飯，好彩一早預約咗，晚上七點嚟到已經滿座。
餐廳嘅裝修有種實而不華嘅感覺，牆上面貼滿咗各種日本酒嘅招紙，別有一番風味。
餐廳唔算大，只有五至六枱可以坐喺吧枱，好在預約時有交帶低，侍應安排我哋坐咗喺靠近門口嘅吧枱位置，可以近距離欣賞到師傅嘅手勢。
餐牌有兩款廚師發辦可以揀，分別係爍雨同焰月，我哋揀咗較為經濟嘅焰月，內容望落非常豐盛。
最先送上嘅係前菜——苦白菜紫薯蓉配冰菜，賣相相當精緻，面頭仲鋪上金箔，為菜式添上一絲矜貴。
紫薯蓉味道非清甜，口感軟綿濕潤，加上清脆嘅苦白菜，配搭令人眼前一亮。
享用完非常有驚喜嘅前菜，就輪到刺身五點。打頭陣嘅係間八魚，刺身切得夠薄，望落晶瑩剔透，加上花瓣同蔥花做點綴，非常精緻。
間八味道清澈，加上酸汁同青蔥卷起一齊食，清新開胃。
第二道係深海池魚配山藥，池魚味道清甜，口感清爽，配搭黏膩滑順嘅山藥泥同味道鹹鮮嘅三文魚子，一拍即合。
日本象拔蚌冇經過過份嘅沖洗，保留咗天然嘅海水鹹鮮味，甘香馥郁，入口爽滑，沾上少量嘅海鹽令味道更突出。
金目鯛油份甘香，肉質細膩，最適合火炙，配上蛋黃醬同唐辛子絲，令口味道同口感層次更豐富。
最後一道刺身係我最期待嘅大拖羅，用紫菜加上紫蘇葉包住，並加入少量岩鹽同芥末減低油膩感，味道恰到好處。大拖肉質肥美，油脂豐富，入口即溶，魚油嘅甘香充滿成個口腔，令人回味！
完成五道令人滿意嘅刺身，師傅為我哋呈上四款清新嘅漬物，分別係山藥、牛蒡、水果蕃茄同白粟米。山藥同先前嘅山藥泥呈現出兩個極端嘅口感，切成片狀，帶有少少芥末嘅味道，質感冰涼爽脆；至於牛蒡味道同口感都好似酸脆瓜一樣，非常特別；水果蕃茄好有驚喜，糖度高，入口清甜爽脆；白粟米鮮甜多汁，清爽冇渣。
唔係每一間廚師發板都有鐵板燒嘅環節，通常都以煮物取替，望住師傅喺面前製作鐵板燒料理，觀賞性亦頗高，亦係餐廳嘅其中一點加分之處。金鯛經過半煎炸，外皮酥脆到連魚鱗都可以食用，非常香口，但魚肉依然保持嫩滑，好有驚喜。
眼見師傅將砂糖灑喺薄薄嘅白麵包上面，然後用力一反，砂糖喺麵包底下溶成焦糖，令人流哂口水，另一邊廂鵝肝亦差唔多煎好，油份慢慢滲出，釋放出濃濃嘅香氣，相當吸引。香脆嘅焦糖多士配搭質感細膩嘅煎鵝肝，形成強烈嘅對比，係全晚我最喜歡嘅配搭。
喺享用壽司之前，師傅先為我哋送上一小碗奶白香濃嘅魚湯，鮮味十足。
飲完魚湯稍休一下就嚟到主菜——手握壽司五貫，首先送上嘅係火炙目鯛，口感柔軟，味道清淡，細細咀嚼之後會感受到佢嘅清甜。
鰤魚味道甘甜得嚟帶少少油份， 口感柔滑幼細。
石鯛望落晶瑩剔透，非常吸引，肉質細緻鮮嫩，口感細膩，油脂度亦頗高，伴上少少蔥末一齊食，帶出清新嘅感覺。
目張油分適中，肉質嫩滑，味道鮮甜，師傅特意加上少少山藥泥，增強口感。
完成咗幾味各有特色嘅白魚壽司，就嚟到重頭戲——海膽壽司，總覺得廚師發辦絕對唔少得海膽，有種畫龍點睛嘅效果。師傅一啲都唔吝嗇，用上嘅係日本嘅馬糞海膽，色澤橙黃，味道濃郁，口感豐腴，必須要慢慢品嚐！
當我以為晚餐要進入尾聲嘅時候，師傅為我遞上拖羅手卷，份量唔大但拖羅比例多，加入脆米增加口感，仲細軟嘅拖羅形成對比。
最後最後當然唔少得甜品，今日嘅甜品係時令日本蜜瓜，味道濃郁，甜度高，果肉滑溜，質素非常高。餐廳每一道菜式都經過用心配搭同編排，非常有驚喜，而且性價比極高，係少有廚師發板食到中段已經有飽意，食完亦有種覺得值回票價嘅感受，雖然冇奢華高貴嘅裝修，但我更欣賞呢種實而不華嘅佈局。
張貼
