平和拉麵

營業中

休息中

叫左碗黑蒜油赤味噌拉麵，一送到上枱面，完全沒有黑蒜油香氣，喝一口湯，係酸的，好酸。成碗面好難食，叉燒又乾爭爭又無豬肉味同好鬆散，麵底偏軟和有梘水味。但最伏最伏最差都係個湯底，湯底應該係一碗拉麵嘅靈魂，但呢碗湯底差到一啖都唔想再飲，好酸好奇怪，無黑蒜油味，又無味噌味，又無辣味，得個酸同油，好奇怪。本人好鍾意食湯麵，成日去唔同店食唔同嘅麵，將一碗拉麵整得咁難食都唔簡單，可以榮登食過最難食嘅拉麵Top3。