平和拉麵

營業中

休息中

呢間拉麵店其實我已經唔係第一次幫襯, 我諗前前後後都有食過7-8次左右啦响香港, 特別係尖沙咀一個餐飲業競爭咁大嘅環境, 要經營一間拉麵店可以想像到十分困難, 而呢間拉麵店我真心認為算係滄海遺珠. 佢絕對唔係排隊店, 人氣不大, 而地址亦相當吊腳, 唔係你會行行吓街, 路過會食碗, 更加唔係你响媒體見到慕名而去嘅店. 不過, 只要你有機會試過一次, 你一定會認同佢地拉麵嘅味道真係唔錯, 性價比高!今次我推介嘅係醬油拉麵 🍜, 以下係食評:1. 香味 (4/5) - 非常充足! 啖啖一陣焦香味, 應該係來自d筍2. 湯頭 (4/5) - 無論係鹹度同鮮甜度都係平均之上, 順口唔會口渴3. 麵 (4/5) - 目測係中細麵或中太麵之間, 唔粗唔幼, 口感扎實, 小麥香算夠4. 配料 (4/5) - 叉燒, 蛋同蔥, 就平均水平, 但藉得一提嘅係d筍, 因為有燒過, 陣陣焦香味, 入口就更驚喜, 脆口, 感覺到係有放心機做. 順帶一提, 蛋嘅選料貎似係蘭王, 而且跟一整隻, 但我本身對蘭王麻麻地, 所以冇因此而加分.整體 - 值得推薦 👍👍👍👍

尖沙咀比人感覺好多野食，但大部分都要同遊客爭飯食嘅餐廳，好想搵多啲價錢合理食物唔揸流攤嘅小店，今晚好想食拉麵就去咗棉登徑果邊搵嘢食，街尾見到呢間外面簡潔嘅拉麵店，就入去試試。叫咗碗雞湯拉麵，上枱嚟到嘅時候熱辣辣，雞湯香滑唔油膩，麵質彈牙，叉燒係好似火腿咁薄嘅食落唔會肥膩，配料筍好出，隻蛋先係重點真係好好食（試咗你就明），佢哋仲有大蒜蓉同埋福神漬可以放埋一齊食又係另一個層次！正！有啲美中不足嘅係唔明點解間店要收+1服務費，因為我感覺唔到有服務，建議試吓取消咗服務費，然之後加多$10我都願意俾，因為碗麵真係好出色，請繼續加油！呢間店係可以再嚟多幾次食！

出開尖沙咀想食碗拉麵，但係又唔想食連鎖店，上網發現原來選擇唔太多，今次就諗住試下平和拉麵，店內嘅座位都係吧枱，一部分望向街，一部分望住廚房睇住師傅煮麵，依次嚟到唔需要排隊，不過都keep住有人嚟食。拉麵嘅基本款式有醬油、黑蒜油味噌、香濃雞湯，今次揀咗香濃雞湯拉麵，配料有叉燒、溏心蛋、紫菜、蔥、筍，雞湯望落好似好濃郁，但係飲落不論係質感定係味道都較為單薄，稱不上香濃，單以湯底嚟講較為失色，但係配料同埋麵條都係正常水準嘅。

呢間拉麵店唔係咁容易搵倒，係巷仔入面細細間既拉麵店。店舖門口有工業風特色，但都帶有日系嘅感覺。餐廳入邊主要係Bar枱形式，個人好鍾意坐喺吧枱，可以見到師傅煮麵嘅過程。另外餐廳仲好貼心喺位置度準備咗圍裙俾客人，而且每個座位都有自助熱水提供，讓客人可以自己根據喜好沖綠茶。🍜平和醬油拉麵$88首先好驚喜，因為拉麵嘅賣相好吸引，而且配料好多好足料有兩大塊叉燒，紫菜，荀，同一隻溏心蛋，都幾抵食。 個湯有鰹魚味道加上醬油湯味道唔錯，較濃味一啲。🍜香濃雞湯拉麵$88首先配料同醬油拉麵係一樣，只係湯底唔同。個湯好夠熱，比起醬油呢個湯就淡少少，不過雞湯味道香濃，好似係用雞雞骨熬製而成，但又唔會偏鹹係我鍾意既味道。🍲自家製日式炒荀 $18另外仲叫左個炒荀做小食，味道都唔錯幾入味。

成日經過又冇機會入去食下。第一次食， 一個好舒服的體驗。店員有禮， 地方整潔。拉麵湯夠熱，配料也唔少。雖然拉麵店有福神漬就奇怪左少少， 不過拉麵都算好食。溫泉旦的時間較得啱啱好。也點了網餃子， 彈牙，醬汁酸甜醒胃。下次又試醬油湯底

係尖沙咀忙碌過後午餐時段都完了，來到位於棉登徑巷尾既呢間拉麵店，仲有下午茶set，就入去試試罷平和醬油拉麵湯底以雞湯為基底，加入鰹魚粉，帶有鰹魚風味再加上獨特醬油，唔會話好咸，用上本地自家製作的拉麵，確保拉麵新鮮，慢煮既叉燒嫩滑，加埋隻秘製滷蛋醬汁溏心蛋，Itadakimasu餃子有別於平時日式煎餃子，呢度既餃子餡料近乎全部都係肉，我唔係好食到有菜，口感較榎，我都係鍾意有埋菜既餃子多d一碗拉麵既製作睇得出師傅對拉麵既堅持，希望師傅能繼續保持呢份熱誠，繼續煮一碗好拉麵

好隨心去呢間拉麵店食第1次食店內簡潔10幾個位坐低之後內心掙扎要雞白湯好定醬油湯底好最後叫左醬油味果然無令人失望 醬油湯底有炒香過既感覺，完全唔會覺得單調兩塊肉軟滑唔會柴隻溏心蛋都好好食 蛋黃係靚靚橙黃色 拉麵質地岩岩好 唔會過淋飲多幾啖湯底之後，再試加左枱上既配料有福神漬同生蒜連埋拉麵一齊食兩樣都好味 🤤當日我食既鐘數係公假晏晝4點幾得我一個客真心覺得呢間拉麵店質素幾好 有誠意值得更多人欣賞

店舖係棉登徑路尾，真係好吾起眼，差啲就miss左。拉麵只有三款湯底：醬油，雞湯，黑蒜油辣味噌我就叫左雞湯（少油走青硬麵）雞白湯底，有油脂味有肉味，flavorful 但吾咸。本人遍淡口味都可以成碗飲晒。湯微微粘口，但冇其他出名雞白湯嘅店嘅湯咁粘稠，各有特色。雞油我稔應該要叫番正常油量會再香啲。味玉半流心蛋黃，橙紅色。有醬油味，剛剛好，吾會太重味。襯托都蛋黃香濃又吾會搶focus。豬肉軟身吾肥。麵條就正正常常，冇咩特別。

🇭🇰平和拉麵🇭🇰現在很喜歡在小巷裡面找這些小小的拉麵館，這次居然給我找到了這家新的寶藏拉麵店 @heiwaramen ，好吃也不貴。🍜醬油拉麵 88hkd這個不得不稱贊一下他的湯底，淡淡的醬油調味，一點也不咸，還能吃到清甜，叉燒很嫩，糖心蛋入味剛好。還有面的硬度我很喜歡！🍜雞湯拉麵 88hkd這個雞湯味道濃郁但不膩，除了湯不一樣其他都一樣。加一點蒜蓉會有一個不一樣的風味。🍢關東煮普普通通如果想不到吃什麼不妨試試，他們的下午茶套餐很划算，一碗拉麵和小吃。

呢間餐廳只主打三款湯底拉麵，分別係醬油、雞湯、黑蒜油味噌，藝人林盛斌Bob亦有推薦👍🏼💗香濃雞湯拉麵 ($88)以雞骨配搭蔬菜同香料熬成高湯，湯底較清淡唔油膩，但雞味未算超濃郁🐓；拉麵選用日本特金蘭麵粉製作，麵條有韌勁🍜；慢煮叉燒肥瘦適中，粉嫩有肉香🍖；溏心蛋用上「新紀元 • 曉蛋」加上秘製滷蛋醬汁製成，橙紅色蛋黃流心超吸引🥚💗黑蒜油赤味噌拉麵 ($114)湯頭以黑蒜油同辣味噌結合，再放上一小球赤味噌，湯底濃厚微辣，帶焦香黑蒜油味🧄同樣配上自家製拉麵、慢煮叉燒、溏心蛋，當中嘅大蔥的確增加香氣🍜💗網餃子 ($48)手工餃子刻意煎到有金黃香脆網底，入面包住豬肉餡，皮薄餡嫩，蘸上柚子醋減低油膩感🥟

這家拉麵店位於尖沙咀較隱蔽的位置🍽️但距離地鐵站只是2分鐘路程🚇平和醬油拉麵🍜 （$ 88）平和拉麵以醬油湯底為基礎，搭配豬肉叉燒✨湯底帶有淡淡的醬油香氣，不會過份油膩或過鹹，適合喜歡清爽口味的人👅拉麵麵條軟硬度適中🫰🏻有彈性和口感，喜歡麵底較軟或硬都可客製調教👍🏻豬肉叉燒亦烹煮得肉嫩多汁，有豐富的肉汁和風味🥩和清爽的醬油湯底配合得宜👀

🍜尖沙咀平和拉麵 清新雞湯拉麵🐥返香港前已bookmark平和拉麵😍！餐廳位於棉登徑小巷，開業半年左右。雞湯拉麵用雞骨高湯作湯頭，有別於富泡抺感嘅雞白湯(座銀、泓一等)，湯底較清新不油膩，但不乏香醇雞味😆。整體出品用心，價錢合理。有機會要試吓醬油拉麵😋！Tucked away at the end of Minden Avenue, Heiwa Ramen opened in mid 2023. While the chicken broth is rich, it is light and not too oily at the same time✨. In comparison, Zagin Soba or Wonyi Ramen dish up creamier chicken broth. Would like to try their signature shoyu ramen in the future

呢間拉麵店係條唔起眼小巷既末端，本身仲以為一定空空如也，但係週末既中午黎到，都坐滿曬有十多人架😳▪️ 香濃雞湯拉麵 💲88見介紹話湯頭係用上全雞、雞腳、大根、洋蔥、京蔥打碎再熬製十二個鐘而成，雞味都算鮮美，就算食到尾段亦唔油膩，係坊間多間打到起泡嗰種雞白湯以外另一種較清新既選擇🐔麵條係店家自家製細麵，揀左正常軟硬度，對我黎講煮得偏腍左啲，掛湯力一般🍜碗邊既慢煮叉燒，本身望落少少乾咁，不過食落都柔嫩👌🏻平時唔多鍾意食筍既我都覺得頗香口，蛋黃流心度唔錯，蛋香濃郁🥚🔎 整體評分（7/10）

環境好似日本既拉麵店，有3款拉麵可揀，揀左🐔平和拉麵（雞湯底）超大塊叉燒🥰🥰肉質鬆化，好味👍🏻👍🏻仲要有2大塊🥚溏心蛋好好味， 入面流心甜甜地💖

平和拉麵只賣3種拉麵，今日試左雞湯拉麵🍜湯底比其他拉麵店淡味，適合鍾意拉麵但又想食得清淡D既人😌 叉燒有2大塊，肉質鮮嫩😚溏心蛋值得一讚，咬開一半後可以見到流心蛋黃😍 好好食!