幕多

營業中

休息中

早排老公帶我去食呢間麵店，原來得一款麵，就係濃湯蝦麵。店舖小小，5點零鐘去已經有人喺入面食緊。同老公一人一碗，送到上嚟嘅時候熱辣辣，再喺你面前加一圈蝦油。超級之香！試一啖湯，好似有一百萬隻蝦喺你個口度奔騰🦐🦐🦐一碗有兩隻蝦，仲有櫻花蝦喺旁邊，我就揀咗拉麵🍜都唔錯。蝦亦都非常之入味。另外仲叫咗醬油鮑魚，醬油蠔🦪同埋糖心蛋🥚做小食隻鮑魚好大隻，醬油味都好入味！至於醬油蠔都好味嘅，但兩者比較的話，鮑魚好味d，唔會煮得過老，肉質仍然好嫩。另外糖心蛋都10分出色!! 好好味呀呢間舖頭值得一試，亦都絕對可以在encore。但真係要預早啲時間去啦。6點食完門口已經大排長龍。唯一挑剔就係餐廳好熱😂