影片
更多
2021-07-04
40 瀏覽
難得去到北角，一早搵定間cafe坐一坐！去咗Numrous cups，店內只有8個座位，比我想像中細，所以當日一去到已經滿座，好彩等咗20min就有位啦！小店雖小，但亦有兩面特色牆，壁畫色彩繽紛又充滿澳洲特色。呢段時間未能外遊，正好為我帶來好心情！認識呢間小店係因為佢嘅彩虹卷蛋，不過卷蛋係期間限定，而家已經無再供應啦。試咗兩款同網店Nameless but familiar合作嘅蛋糕，都好有驚喜！Caramel Flan Cake $63第一次食Flan Cake（雞蛋布甸蛋糕），原來係集布丁燒與海綿蛋糕於一身嘅蛋糕！焦糖布丁蛋香十足，帶有陣陣焦糖香，口感滑溜，加上鬆軟綿密嘅海綿蛋糕，一次過食晒兩款口感，好有層次！焦糖控嘅朋友可自行倒入焦糖醬，仲有伴碟嘅焦糖脆脆呢！Basque Burnt Cheesecake $58芝士蛋糕口感結實得來亦保持濕潤，甜度適中，芝士味道尚算香濃，不過就未有wow factor。如果加點雲呢拿籽會更香或者帶少許流心口感就更正啦！Flat White $40Flat White拉花好靚！因為店主係澳洲回流，所以店內選用澳洲Elementary咖啡豆。咖啡味道
去咗Numrous cups，店內只有8個座位，比我想像中細，所以當日一去到已經滿座，好彩等咗20min就有位啦！
小店雖小，但亦有兩面特色牆，壁畫色彩繽紛又充滿澳洲特色。呢段時間未能外遊，正好為我帶來好心情！
認識呢間小店係因為佢嘅彩虹卷蛋，不過卷蛋係期間限定，而家已經無再供應啦。試咗兩款同網店Nameless but familiar合作嘅蛋糕，都好有驚喜！
Caramel Flan Cake $63
第一次食Flan Cake（雞蛋布甸蛋糕），原來係集布丁燒與海綿蛋糕於一身嘅蛋糕！焦糖布丁蛋香十足，帶有陣陣焦糖香，口感滑溜，加上鬆軟綿密嘅海綿蛋糕，一次過食晒兩款口感，好有層次！焦糖控嘅朋友可自行倒入焦糖醬，仲有伴碟嘅焦糖脆脆呢！
Basque Burnt Cheesecake $58
芝士蛋糕口感結實得來亦保持濕潤，甜度適中，芝士味道尚算香濃，不過就未有wow factor。如果加點雲呢拿籽會更香或者帶少許流心口感就更正啦！
Flat White $40
Flat White拉花好靚！因為店主係澳洲回流，所以店內選用澳洲Elementary咖啡豆。咖啡味道比其他店嘅Flat Wihte感覺較為nutty濃郁，唔知呢D係咪就係澳洲嘅style呢？我自己就幾鍾意啦！
Dirty $40
牛奶揀咗oat milk(+$5)，相機快快食完之後立即趁凍飲，咖啡豆味道香濃，冰火交融口感好好。
PS. 小店店員好有禮貌，同埋服務都好好，會先了解客人口味再作出介紹，介紹好啱口味！
張貼
