幸屋

營業中

休息中

同女友去完灣仔行街，順便行下附近睇睇有乜食店，見橫街小巷裏有一間拉麵店餐牌幾吸引，就入去試試，好彩時間尚早唔駛等位就入到去食，拉麵店面積算大樓底好高，好有空間感，佈置簡單而舒服，座位有四人枱及吧枱位供選擇。拉麵選擇有七款，麵條類別有粗麵和幼麵，軟硬度、湯嘅濃度同配料可以自己決定 。我點左個胡麻王，芝麻湯拉麵，好濃厚嘅湯底，湯底附上黑芝麻味道更加滋味，配料十足。之後女友叫嘅黑武士，黑蒜油拉麵，亦都上枱，湯底附上肉碎，有點似中國風味。差唔多每次去拉麵店都要點埋小食先滿足，今次亦唔例外，點咗炸雞同栗子餅，即叫即炸，香脆可口。