阿三大牌檔

營業中

休息中

以前想食大排檔通常都預咗係無冷氣，今次踩完單車係大埔搵到間冷氣強勁，小炒又夠獲氣嘅阿三大排檔😃餐廳座位舒適，最正係有卡位😂店員又好親切，餐牌選擇多，價錢合理👍🏻💚麻辣口水雞心血來潮想食口水雞，但朋友唔食得太辣，正想放棄之際，店員提意不如另上辣汁，自己可以控制落幾多，咁就大家都岩食🤭口水雞味道層次豐富，辣汁麻辣鮮香，加上爽嫰嘅雞肉😍超級過癮💚蒜蓉炒白菜仔白菜仔夠哂獲氣熱辣辣上枱，大量嘅蒜蓉辛辣惹味，白菜仔色澤翠綠，口感爽脆💚西芹腰果炒蝦仁每次大排檔都必定會叫呢度菜，西芹爽脆，蝦仁大大粒，爽口鮮甜又彈牙😋腰果清脆可口