幸屋

營業中

休息中

禁堂食前去食餐好，揀咗間拉麵店面唔大，成晚都滿場，呢間小店都幾受歡迎。小食揀咗個芝麻雞翼，其實想食明太子雞翼多啲，不過呢度無。但呢個雞翼都有驚喜，入面係無餡，普通雞翼，但一咬落去係有汁，調味剛好，有少少辣味其實仲叫咗個炸雞，但唔記得影相都好好食，又係好多汁，配上mayonnaise，熱辣辣，無得輸。拉麵方面質素中上，蝦湯嘅蝦味唔算好濃，主要靠蝦乾調味，麵同叉燒都係正正常常，配料好多，可以話係性價比高，味道唔算好出彩。朋友叫咗個胡麻王，但佢話無乜芝麻味，當係普通豚骨拉麵咁，味道都係正正常常。整體來講都滿意嘅，平時晚飯都係個唔錯嘅選擇。