影片
更多
2024-08-02
2523 瀏覽
胡同@H Zentre 18樓今日收工後朋友帶左我去呢間佢bookmark咗好耐嘅餐廳。餐廳位於尖沙咀鬧市嘅頂樓，裝修有大量古色古香嘅中式元素，有種深邃靜謐嘅感覺。餐廳裝修仲用上西式酒吧格調，樓底高大空間、燈光比較昏暗但設計精緻，再加上落地大玻璃去欣賞180度嘅維港大海景！佢嘅菜式以川菜同京菜為基調，結合咗西式Fine Dining嘅風格，每對食物都好精緻而且合乎香港人口味，菜式嘅麻度同辣度都減弱咗好多。我哋懶得諗就直接叫咗餐廳嘅Dinner Tasting Menu，佢由前菜到甜品總共六道菜式組成：首先前菜係由三道菜組成🥔酸辣土豆絲土豆絲係傳統嘅北方菜式，薄薄的土豆絲經過拌炒變得爽脆可口，味道酸辣適中符合香港人口味，不過不失。🪿魚籽煎鵝肝燻蛋鵝肝本身處理得幾好，外脆內嫩入口即溶，食到豐富嘅油脂味得黎又唔會太膩。加埋魚籽同流心嘅上海燻蛋，層次豐富。🦑藤椒滷水小吊桶小吊桶本身夠晒彈牙同飽滿，川式嘅處理滷得好入味，淋上麻辣嘅藤椒醬汁，非常惹味。🦀瑤柱焗釀蟹蓋餐廳最近有個優惠，點呢個Dinner Menu嘅時候，佢每人再送多一客焗蟹蓋。味道算係不過不失，算係好肥美，同埋唔太夠蟹味。緊隨嘅係主
今日收工後朋友帶左我去呢間佢bookmark咗好耐嘅餐廳。餐廳位於尖沙咀鬧市嘅頂樓，裝修有大量古色古香嘅中式元素，有種深邃靜謐嘅感覺。餐廳裝修仲用上西式酒吧格調，樓底高大空間、燈光比較昏暗但設計精緻，再加上落地大玻璃去欣賞180度嘅維港大海景！
佢嘅菜式以川菜同京菜為基調，結合咗西式Fine Dining嘅風格，每對食物都好精緻而且合乎香港人口味，菜式嘅麻度同辣度都減弱咗好多。
我哋懶得諗就直接叫咗餐廳嘅Dinner Tasting Menu，佢由前菜到甜品總共六道菜式組成：
首先前菜係由三道菜組成
🥔酸辣土豆絲
土豆絲係傳統嘅北方菜式，薄薄的土豆絲經過拌炒變得爽脆可口，味道酸辣適中符合香港人口味，不過不失。
🪿魚籽煎鵝肝燻蛋
鵝肝本身處理得幾好，外脆內嫩入口即溶，食到豐富嘅油脂味得黎又唔會太膩。加埋魚籽同流心嘅上海燻蛋，層次豐富。
🦑藤椒滷水小吊桶
小吊桶本身夠晒彈牙同飽滿，川式嘅處理滷得好入味，淋上麻辣嘅藤椒醬汁，非常惹味。
🦀瑤柱焗釀蟹蓋
餐廳最近有個優惠，點呢個Dinner Menu嘅時候，佢每人再送多一客焗蟹蓋。味道算係不過不失，算係好肥美，同埋唔太夠蟹味。
緊隨嘅係主菜前嘅兩道小食
🥐黑椒和牛酥
酥脆嘅外皮包裹著濃厚嘅黑椒配上軟嫩嘅和牛，係幾特別嘅配搭，可惜黑椒味太重蓋過咗和牛本身嘅味道。
🥟魚湯菜肉鍋貼
皮薄餡靚，咬落去非常juicy，鍋貼經過煎烤非常香口好食。
🏮金梅女兒紅
呢度嘅佈置咁古色古香，當然都要配合返傳統嘅飲品。我哋就叫咗一小埕女兒紅，濃濃嘅紹興酒香配埋酸酸嘅話梅，容易入口得黎又幾開胃。
🦞豆酥龍蝦
主菜係呢到招牌菜之一嘅豆酥龍蝦，龍蝦肉質鮮嫩彈牙。佢嘅擺碟非常用心，有氣勢地砌返原隻龍蝦出黎，酥脆咸香嘅豆酥，增加左口感嘅層次，但略為乾左少少。
🐟本幫鱈魚
本幫菜即係上海菜嘅別稱，鱈魚肉質鮮嫩，慢煮烹調得恰到好處。以秘方醃制嘅魚肉咸淡適中、食到鱈魚本身嘅鮮美，而且煎得好香脆，有著濃郁魚油香味。
🦐龍蝦湯西班牙紅蝦脆米泡飯
呢個菜式好有特色嘅fusion味道，而且侍應會喺席前即時親手將熱辣辣嘅龍蝦湯倒入脆米飯裡。香氣濃郁嘅龍蝦湯汁配上香脆可口嘅脆米飯同大大粒紅蝦肉，整道菜嘅層次豊富。西班牙紅蝦產量少極為珍貴，但食落略嫌唔夠新鮮，美中不足。
🍨豆腐雪糕&杏香流心芝麻巻
最後甜品部分同樣精彩，豆腐雪糕又滑又creamy，淡淡豆腐味好清爽可口。杏香流心芝麻卷外層係帶有杏仁片嘅酥皮，內裡係暖暖嘅流心芝麻，係唔錯嘅中式甜品。
酸辣土豆絲&魚籽煎鵝肝燻蛋&藤椒滷水小吊桶
6 瀏覽
0 讚好
0 留言
瑤柱焗釀蟹蓋
7 瀏覽
0 讚好
0 留言
黑椒和牛酥&魚湯菜肉鍋貼
3 瀏覽
0 讚好
0 留言
金梅女兒紅
9 瀏覽
0 讚好
0 留言
豆酥龍蝦
15 瀏覽
0 讚好
0 留言
本幫鱈魚
27 瀏覽
0 讚好
0 留言
龍蝦湯西班牙紅蝦脆米泡飯
18 瀏覽
0 讚好
0 留言
張貼
