影片
更多
2023-04-14
404 瀏覽
偶爾都會想食素菜咁今日同媽媽去開尖沙咀 所以就過嚟食素菜lunch! 呢間餐廳位於尖沙咀金馬倫道 位置都幾方便3樓一出lift就見到餐廳環境光猛 淺紫色同白色裝修 好少女風而午餐Menu由$88起跳 套餐包括主食、自選飲品加$10可以另外有湯同麵包～咁我哋就order咗兩份午餐share食兩款都幾有驚喜！野菜粟米雪耳忌廉濃湯 配香脆法包 $10呢個濃湯相當足料 每一啖都有蔬菜蓉法包都即叫即焗 所以熱辣辣 好香脆牛油果新吞拿魚焗長通粉 $98媽媽揀咗呢款焗長通粉熱辣辣新鮮焗起 芝士有拉絲效果 每一片牛油果都切好在長通粉鋪面第一次試純素吞拿魚 口感嚼感像真 亦冇魚腥味 成份健康有豐富膳食纖維好味又健康提一提大家 有需要可以走芝士及免奶的！泰式鳳梨炒飯 配沙嗲串燒 $98我就揀咗呢款炒飯店員都有溫馨提醒我哋 炒飯係帶點辣的賣相吸引 附上2串素肉串燒 沙嗲味調味夠惹味而且珍珠米炒得粒粒分明 炒飯內有素肉鬆、素煙肉、粟米芯、菠蘿、蕃茄等等色彩繽紛之餘又營養十足 好啱追求健康生活的現代人飲品方面 我哋order咗 蘋果蘆薈冰茶套餐包咗 唔使加錢夏日炎炎 飲杯冰茶解熱就最爽入面仲有粒粒蘆薈 唔會太
咁今日同媽媽去開尖沙咀 所以就過嚟食素菜lunch!
呢間餐廳位於尖沙咀金馬倫道 位置都幾方便
3樓一出lift就見到
餐廳環境光猛 淺紫色同白色裝修 好少女風
而午餐Menu由$88起跳
套餐包括主食、自選飲品
加$10可以另外有湯同麵包～
咁我哋就order咗兩份午餐share食
兩款都幾有驚喜！
野菜粟米雪耳忌廉濃湯 配香脆法包 $10
呢個濃湯相當足料 每一啖都有蔬菜蓉
法包都即叫即焗 所以熱辣辣 好香脆
牛油果新吞拿魚焗長通粉 $98
媽媽揀咗呢款焗長通粉
熱辣辣新鮮焗起 芝士有拉絲效果
每一片牛油果都切好在長通粉鋪面
第一次試純素吞拿魚 口感嚼感像真
亦冇魚腥味 成份健康有豐富膳食纖維
好味又健康
提一提大家 有需要可以走芝士及免奶的！
泰式鳳梨炒飯 配沙嗲串燒 $98
我就揀咗呢款炒飯
店員都有溫馨提醒我哋 炒飯係帶點辣的
賣相吸引
附上2串素肉串燒 沙嗲味調味夠惹味
而且珍珠米炒得粒粒分明
炒飯內有素肉鬆、素煙肉、粟米芯、菠蘿、蕃茄等等
色彩繽紛之餘又營養十足
好啱追求健康生活的現代人
飲品方面 我哋order咗 蘋果蘆薈冰茶
套餐包咗 唔使加錢
夏日炎炎 飲杯冰茶解熱就最爽
入面仲有粒粒蘆薈 唔會太甜
整體而言 呢間素食餐廳質素不錯
而且lunch set套餐夠創新
可以試到中式、西式、日式、東南亞款式嘅素菜
地理位置方便
餐廳亦都可貼心處理唔同素菜人士需求
例如走芝士、免奶、免蛋等等
所以呢間素菜餐廳 值得推薦俾大家👍🏻
整體性價比：🦖🦖🦖
雅 ‧悠蔬食 (尖沙咀)
地址：尖沙咀金馬倫道48號中國保險大廈3樓B號舖
張貼
