影片
更多
2022-05-31
1703 瀏覽
尖沙咀開咗間打卡新餐廳📸「Library Restaurant and Bar 」，朋友就約我放工去試吓。餐廳人氣果然好高，我哋喺無訂枱嘅情況下，只能安排坐喺室內座位，想坐室外嘅話就記得要預約。不過室內環境都好靚、好啱打卡，整體色調偏暗，行型格路線😎。由於呢度係酒吧餐廳，佢所提供嘅食物款式唔算好多，而且更有部份售罄，有啲可惜啊😣。不過好彩菜式係大路嘢，全部都啱食🍽。慢煮封門牛柳配薯蓉紅酒汁($348)，🥩慢煮封門柳生熟度預設咗係五成，肉身呈粉紅色，但又唔會太生，食落多汁，🐮肉味濃郁。佢上碟時經已切開，食用方便，而且份量其實幾多。紅酒汁味道突出，進一步提升滋味。伴旁嘅薯蓉綿滑🥔，滿滿牛油香，而紅蘿蔔條亦好清甜。煙燻卡邦尼意大利粉($168)，🍝卡邦尼意粉同其他餐廳嘅出品唔係好同，因為佢並非好重忌廉/芝士嗰種，食落無咁膩。意粉質感富嚼勁，油份夠。不過最出色嘅部份係厚切煙肉🥓，鹹香十足之餘，更有煙燻香氣。清酒慢煮豬腩配豆腐醬($128)，🐷豬腩肉有五件，經燒烤過帶點燶邊，半肥瘦好邪惡。調味好特別，蓉狀嘅係清酒豆腐醬🍶，酒味恰到好處，唔飲酒嘅都啱食，而豬腩底部更附有一件玉子豆腐，好得意。炸蓮藕
尖沙咀開咗間打卡新餐廳📸「Library Restaurant and Bar 」，朋友就約我放工去試吓。餐廳人氣果然好高，我哋喺無訂枱嘅情況下，只能安排坐喺室內座位，想坐室外嘅話就記得要預約。不過室內環境都好靚、好啱打卡，整體色調偏暗，行型格路線😎。
由於呢度係酒吧餐廳，佢所提供嘅食物款式唔算好多，而且更有部份售罄，有啲可惜啊😣。不過好彩菜式係大路嘢，全部都啱食🍽。
慢煮封門牛柳配薯蓉紅酒汁
$348
36 瀏覽
1 讚好
0 留言
慢煮封門牛柳配薯蓉紅酒汁($348)，🥩慢煮封門柳生熟度預設咗係五成，肉身呈粉紅色，但又唔會太生，食落多汁，🐮肉味濃郁。佢上碟時經已切開，食用方便，而且份量其實幾多。紅酒汁味道突出，進一步提升滋味。伴旁嘅薯蓉綿滑🥔，滿滿牛油香，而紅蘿蔔條亦好清甜。
煙燻卡邦尼意大利粉($168)，🍝卡邦尼意粉同其他餐廳嘅出品唔係好同，因為佢並非好重忌廉/芝士嗰種，食落無咁膩。意粉質感富嚼勁，油份夠。不過最出色嘅部份係厚切煙肉🥓，鹹香十足之餘，更有煙燻香氣。
清酒慢煮豬腩配豆腐醬($128)，🐷豬腩肉有五件，經燒烤過帶點燶邊，半肥瘦好邪惡。調味好特別，蓉狀嘅係清酒豆腐醬🍶，酒味恰到好處，唔飲酒嘅都啱食，而豬腩底部更附有一件玉子豆腐，好得意。
炸蓮藕片配西班牙甜椒粉($68)，炸薄切蓮藕片幾香口，佐酒一流🍺。佢加咗唔少甜椒粉，偏重口味，而且亦有少少油，扣咗啲分。
總括嚟講，呢間打卡餐廳唔錯，唔止得個靚樣🕯👍。最後，店員們服務態度非常好，除咗有禮貌之外，更會主動詢問客人對食物嘅意見，抵讚！
張貼
