敍亨軒海鮮火鍋

營業中

休息中

尖沙咀係中高價火鍋競爭最激烈既戰場之一，要係尖沙咀佔一席位真係唔係易事，除左要有質素外，好多鋪頭都裝修到好有特色。今日食既敘亨軒無好特別既裝修，簡單既火鍋店格局，主打既係質素，同價錢合宜。頭盤我哋叫左加拿大象拔蚌刺身，大大條夠哂成圍人食，刺身簿身爽脆，味道鮮甜，真係越食越上癮，而且價錢均真，個象拔蚌膽仲可以做成椒鹽，又係一道極品下酒菜。來到火鍋店重點梗係打邊爐，呢度既沙嗲湯底同胡椒豬肚花甲湯比較推薦，前者味濃，後者鮮甜，各有所長。呢度既手切特級肥牛肉味濃，雪花紋路相當漂亮，而且份量好足，大盤都係300零，性價比好高，其他菜式都好有質素，值得推介！