嵐橋日本料理

營業中

休息中

相信大家都知尖沙咀棉登徑近年都變成日本街好多不同種類日式餐廳。今次揀左一間一樓嘅日本料理叫嵐橋日本料理。店舖空間唔算好大，座位舒適。靜靜地幾適合拍拖約會。首先叫左三款刺身中拖羅、金目鯛、太刀魚。中拖羅厚切，顏色粉嫩，油分高入口即溶，魚味濃厚。金目鯛經火炙過後，逼出油脂再令魚皮變成金色色澤，口感肉嫩鮮味油脂感高。太刀魚濃味魚最後食，同樣經火炙魚味更香口。再點左兩款壽司火炙左口魚邊壽司，每次必叫的左口魚油香豐富，魚肉鮮甜。三文魚籽壽司味道帶咸香天婦羅盛合有炸蝦、魚、南瓜、秋葵天婦羅炸漿夠薄，咬落好香脆
宮崎A5和牛鵝肝炒飯非常邪惡惹味香口，濃味人必愛！田樂燒豆腐熱辣辣小心咬開外層脆皮，內𥚃嫩滑豆腐，面頭帶點鹹香嘅味噌醬又幾惹味口感豐富最後甜品焦糖菠蘿作結。