鐵牛台灣牛肉麵 (希爾頓大廈)

營業中

休息中

📍 鐵牛台灣牛肉麵 (尖沙咀)🗓️ 6 May 2023這天打算到尖沙咀嘅科學館逛一逛，享受一個下午，所以出發之前先嚟到鐵牛食個午餐。不過尖沙咀呢間地下舖的確有啲難搵，我哋兜嚟兜去好多次先搵到。大家見到向下嘅樓梯同埋銀行，就唔好猶豫，行落去啦！第一次嚟到尖沙咀分店，舖頭比我想像中大同埋闊落，亦非常光猛，比人一種好舒服嘅感覺。入到舖頭大概3:30鐘左右，興高采烈諗住叫下午茶set嘅時候先發現原來星期六日係冇午餐set同埋下午茶set嘅，好可惜。最後我哋單點叫咗兩個拌麵同一杯飲品。🍴 麻辣擔擔夜市小香腸拌麵 $76🍴 香蔥肉燥鹽酥雞乾拌麵 $75兩個拌麵比較起來，我會鍾意麻辣擔擔拌麵多啲，麻醬加上辣油，非常惹味。不過都的確有啲辣，食唔到辣嘅話就揀返普通乾拌麵會好啲。台灣小香腸同鹽酥雞都好食，香腸嘅甜味配埋新鮮蒜片味道即刻豐富好多。下次會想試下鐵牛臭臭鍋，見到幾乎每枱都有點，睇落好吸引。