浜滝

營業中

休息中

近排其實都真係好鍾意去九龍城覓食，就係鍾意呢度夠多小店，每次去都會有小驚喜，今次亦都唔例外，估唔到喺九龍城都搵到一間我超鍾意嘅居酒屋。首先一定要介紹嘅，就係呢個用嚟打卡一流嘅半熟海膽龍蝦！上枱嗰時我哋真係大家都有大叫，冇辦法唔相機食先！海膽配龍蝦刺身呢個組合真係好無敵，勁邪惡！不過真心嗰句覺得好鮮甜，龍蝦口感爽口，海膽就creamy!真鯛刺身亦都相當新鮮，唔會有過油膩嘅感覺。至於炸物都幾出色，深海池魚仔隻隻都好肥美，加埋炸得酥脆，真係要一路食一路飲啤酒！炸櫻花蝦海老都係好出色，櫻花蝦狗香口，脆脆地嘅口感為海螺增添咗唔少層次感！