幸屋

營業中

休息中

今日到灣仔開會，同事介紹咗哩間拉麵店，咁試試啦。店鋪裝修得好日式風，好似居酒屋，不過係食拉麵，好得意。冷豆腐，叫定2個小食等拉麵。豆腐汁用咗日式鰹魚汁，湯色清澈鮮甜。豆腐入口嫩滑，同醬汁好夾。蟹籽沙律，沙律分量好大，自家制沙律醬撈埋青瓜，蟹流同魚籽，食落清爽口感好豐富。黑蒜濃厚山藥豚骨拉麵，拉麵可以自己選韌度，我中意普通程度，唔會好韌。溏心蛋製作得好出色，蛋白Q彈，蛋黃流心。湯底濃郁，唔會好重蒜味，山藥加入，讓湯汁更加濃稠，更易掛麵。櫻花蝦味增拉麵，除咗日式叉燒，木耳，紫菜等還落入大量櫻花蝦。湯底飲得出係用心製作，湯底勁甜，一定落咗大量蔬菜煲制。叉燒大件嫩滑，麵條彈牙爽口，全部食曬TIM。