喬居酒屋

營業中

休息中

近排成日都去居酒屋食野，今晚都唔例外。居酒屋穩身在小巷裏，可看到一排一排燈籠，好似去咗日本的’思出橫丁‘。縱使師傅忙著烹製食物，都不忙跟客人互動。🌱小食柚子蘿蔔係師傅親自醃製，爽脆微甜冇苦味；水果粟米清甜多汁。🌱煙燻五花腩外表粉紅色，五花腩似風乾咗的火腿。肉質唔乾身，油脂跟煙燻香氣恰到好處。🌱日本豆腐外表炸至金黃，豆腐質地較潔，口感軟滑。🌱牛舌心牛舌有一定厚度，口感軟熟帶微韌，多汁得黎又唔羶。🌱煙燻芝士芝士皮外帶脆韌口感，裏面的芝士軟硬適中，味道鹹香。🌱鹽燒豬肋條👍🏻口感軟嫩有嚼勁，咬開有豐富油分，肉汁豐富又有鹽的鹹香。🌱伊比利亞豬鞍師傅將豬鞍切成一片片，食得輕鬆唔論盡，肉質爽口，仲有黑椒香。🌱雞肝👍🏻雞肝軟腍，雖然外表仍有血水，但入口出奇地冇血腥和異味。🌱雞腎口感爽脆，有鹽的香味。🌱胡麻菠菜菠菜頂層鋪滿七彩芝麻，菠菜嫩滑多汁，加胡麻醬食更惹味。🌱北海道牡丹蝦牡丹蝦的蝦籽藍綠色，質地幾黏，蝦膏炙燒過，味道香，牡丹蝦色透明軟糯。🌱日式煎餃子餃子係師傅親自包，新鮮多料，皮薄餡靚。餃子餡料有韮菜、椰菜和豬肉，清甜可口。🌱唐揚涼瓜外邊脆漿金黃薄身，沖繩苦瓜味濃但口感爽腍。