影片
更多
2025-01-09
108 瀏覽
最近朋友話係黃竹坑新開既商場The Southside有間韓式燒肉餐廳叫「山洞食堂」，話環境同燒肉都好有特色，於是我就趁周末黎試下。餐廳既門口設計得好似一個山洞咁，昏暗既燈光同柔和既背景音樂營造出放鬆既氛圍，好有情調，特別適合同朋友聚餐或者情侶浪漫晚餐。入座後，店員即刻奉上幾款前菜，包括薯蓉沙律、芽菜、麻醬蓮藕、醃蘿蔔同泡菜，每款都清新開胃，仲未燒肉已經覺得開心，服務又貼心，真係一個不錯既開始。 .宮.牛盛 $420：一場五款和牛既盛宴講到燒肉，點可以吾試招牌既「宮.牛盛」！呢個拼盤一次過集合左五款和牛：和牛肋眼上蓋、和牛牛肋肉、極上牛小排、和牛外裙肉同稀少和牛三筋肉，絕對係牛肉愛好者既天堂！每款牛肉都各有特色，我地將肉片擺喺燒爐上，稍微燒到微焦，表面散發陣陣油香。 和牛肋眼上蓋：呢個位置係和牛中最稀有既部位之一，入口即溶，脂香味非常突出，每口都係濃厚既牛油香，咬落去有種細膩既滿足感.和牛牛肋肉：肉味濃郁但脂肪分布相對較少，燒後咬落口感更結實，適合鍾意口感豐富既朋友.極上牛小排：今晚最驚喜既牛肉，脂肪同肌理分布完美，燒到岩岩好，入口既時候完全係即溶感覺，帶少少甜味，好有層次！.和牛
最近朋友話係黃竹坑新開既商場The Southside有間韓式燒肉餐廳叫「山洞食堂」，話環境同燒肉都好有特色，於是我就趁周末黎試下。餐廳既門口設計得好似一個山洞咁，昏暗既燈光同柔和既背景音樂營造出放鬆既氛圍，好有情調，特別適合同朋友聚餐或者情侶浪漫晚餐。入座後，店員即刻奉上幾款前菜，包括薯蓉沙律、芽菜、麻醬蓮藕、醃蘿蔔同泡菜，每款都清新開胃，仲未燒肉已經覺得開心，服務又貼心，真係一個不錯既開始。
.
宮.牛盛 $420：一場五款和牛既盛宴
講到燒肉，點可以吾試招牌既「宮.牛盛」！呢個拼盤一次過集合左五款和牛：和牛肋眼上蓋、和牛牛肋肉、極上牛小排、和牛外裙肉同稀少和牛三筋肉，絕對係牛肉愛好者既天堂！每款牛肉都各有特色，我地將肉片擺喺燒爐上，稍微燒到微焦，表面散發陣陣油香。
和牛肋眼上蓋：呢個位置係和牛中最稀有既部位之一，入口即溶，脂香味非常突出，每口都係濃厚既牛油香，咬落去有種細膩既滿足感
.
和牛牛肋肉：肉味濃郁但脂肪分布相對較少，燒後咬落口感更結實，適合鍾意口感豐富既朋友
.
極上牛小排：今晚最驚喜既牛肉，脂肪同肌理分布完美，燒到岩岩好，入口既時候完全係即溶感覺，帶少少甜味，好有層次！
.
和牛外裙肉：肉質比起其他部位略帶嚼勁，但燒到微焦後油香同肉香相得益彰，配埋少少淮鹽更突出牛肉既原汁原味
.
稀少和牛三筋肉；呢個部位既筋膜令口感多左少少嚼頭，但脂香同肉味係完美平衡，咬耐d會愈嚼愈香。
.
韓牛泡菜炒飯 $125：炒飯界既「溫暖人心」
燒肉之外，必試既仲有韓牛泡菜炒飯。呢個炒飯用左大量既泡菜同韓牛肉粒去炒，每粒飯都吸收左泡菜既酸辣味同牛肉既鮮味，粒粒分明。仲有一隻超有心思既「流心燶邊蛋」擺係頂部，蛋黃輕輕一戳流出黎，拌埋炒飯一齊食，味道即刻提升到另一個層次。旁邊仲有蔥絲同紫菜絲做點綴，入口有少少脆口感，層次感好豐富。呢個炒飯份量岩岩好，燒肉食到七八成飽既時候黎一份，滿足感一流！
.
奶油肉醬年糕 $98：煙韌肉香完美結合
年糕對於韓式燒烤黎講絕對係必點，山洞食堂既奶油肉醬年糕係一個好驚喜！條條年糕煙韌彈牙，每一條都被肉醬包裹住，奶油肉醬既味道濃郁但又帶少少微酸，食落好開胃。最岩幾個人share食，係燒肉之間既小插曲，但又絕對搶鏡！
.
慶州黑毛豬梅肉切 $188：厚切肉片滿足感十足
平時食韓式燒烤，好多人都會專注牛肉，但呢度既慶州黑毛豬梅肉切同樣值得一試。每塊肉都厚切得岩岩好，再燒到表面微焦，外脆內嫩，咬落口感實在，但絕對吾會覺得硬，仲帶出濃濃既豬肉香味。配搭餐廳既燒肉醬，令整塊豬梅肉既味道更加突出，食完之後完全吾會覺得油膩！
.
澳洲八爪魚腳 $278：燒爐上海鮮既驚喜
海鮮類既燒烤少見，但山洞食堂既澳洲八爪魚腳係一個意外驚喜！每條八爪魚腳都夠厚身又長身，燒到微焦既時候，散發出陣陣海鮮香氣。入口煙韌彈牙，口感十足，仲帶少少燒烤既焦香，越嚼越出味，成為當晚既另一亮點！
.
菠蘿梳打，西柚乳酸梳打 $42：清新解膩的甜品飲品
燒肉過後黎杯清新既飲品，絕對係完美既ending！菠蘿梳打酸甜開胃，果味濃郁，氣泡感十足；而西柚乳酸梳打就帶少少奶香同乳酸味，感覺更加refreshing。兩款飲品都好解膩
張貼
