錦田餐廳菜館

營業中

休息中

夜貓子，十點過左突然肚餓，真係難頂….好彩錦田餐廳菜館仲未關門。燒味靚靚仔仔，比同區優勝。燒鵝脾大大隻，咬落皮脆多肉汁，漲卜卜，起碼唔會燒到乾曬水先！叉燒都幾肥美，但稍嫌唔夠甜，如果加多少少蜜糖燒就好。我本身係想要個碟頭飯，我問個姐姐可唔可以做個番茄炒蛋飯俾我，佢話可以。另外我都要求佢同我走蔥，佢好醒咁問埋我洗唔洗幫我走埋洋蔥。點知黎到既唔係碟頭飯、又無走到蔥…(洋蔥就走左)個蛋唔係太多，目測係兩隻細蛋。但番茄好多，應該有兩個，雖然個蛋炒得靚、夠濕潤但係都中和唔到個咸味。