北京老家

營業中

休息中

合和中心七樓的北京老家共有兩層，裝修古色古香又別緻，除了牆上的京劇面譜裝飾，仲備有一台八人大轎，踢吓轎門十分過癮。樓上一層是一個可以容納六七十人的閣樓，有一幅北京古城的壁畫，加上冷氣非常凍，彷如置身於風雪中的北平。食物方面我地叫左個四人抵食套餐，估唔到份量都足夠我們四大兩細食。富貴雞（又名叫化雞）呢道菜聽講係乞兒諗出黎，當年乾隆皇响民間食過而出曬名。個賣相好過癮，阿姐特登先攞出黎比我地一家大細影下相，十分細心。原來內有乾坤，原隻雞用荷葉包住再燴熟，真係香氣撲鼻。而用乾筍、豬肉制成的配料先係精華所在，吸了雞的鮮味和荷葉香，下飯一流。北京填鴨皮脆肉嫩，味道正宗，合格收貨。老家柚子魚松子魚是傳統粵菜，如今卻流行於京川滬菜。然而在北京老家吃到的是柚子魚，難道是由於內陸地區較難得到河鮮海魚有關？本人都是較喜歡廣東的蒸魚，對於炸魚不懂欣賞。柚子汁倒是破格，酸酸甜甜特別醒胃，小孩子都十分喜愛。鐵板蔥爆羊肉羊肉有點羶，即使加入大量香蔥和紅蔥，仍然有羊肉的羶味，重口味的我都嫌味道太濃。拉絲士多啤梨呢味甜品即叫即做，等左成廿分鐘，賣相不錯，味道似「冰糖葫蘆」，金黃色的糖漿包住大大粒士多啤梨，簡直甜到入心。