影片
更多
2024-08-07
9602 瀏覽
之前都推介過Airside嘅嵐月，有人話佢lunch嘅精緻點心薈萃套餐好精彩，約朋友喺屋企附近搵周末個點食午飯，太近屋企附近一於去試下，橫掂上次只係食晚飯，未試到佢嘅點心功夫。每位HK$388，2位起就可以點，餐單除咗點心，仲有湯品再加主食，$388一位服務非常好，而且餐廳環境好舒服，雖然價錢唔算平，但係有時係屋企附近食好少少，也的確係一個好選擇。鮮茴香海鮮餃、嵐月西班牙黑豚叉燒、糖醋紅菜野菌盒各有特色，前晚先喺大班樓食完佢嘅叉燒，呢日再食佢嘅西班牙黑豚叉燒都唔失禮，鮮茴香海鮮餃大而有當，野菌盒嘅調味好有特色，點心嘅整體水準不錯。湯品menu係枇杷果螺頭燉雪雁，但當日換了楊桃煲枇杷螺頭瑤柱，都係走高貴路線，午飯有呢啲質素嘅燉湯，都算幾高質。羊肚菌蘆筍炒北海道帶子，個北海道帶子絕對係刺身級，煎到夠香樣子係剛剛好，加上靚配菜羊肚菌蘆筍，完全對得住價錢。鮮百合濃雞湯浸BB菜苗，菜苗非常之清甜，最重要用上鮮百合嚟煲嘅雞湯，煮完個菜之後個湯好飲到一滴都冇剩。松茸羊肚菌燴越光米，用上貴價食材，唔係用啲乜嘢和牛黑毛豬做主食將你暴力對待，松茸羊肚菌簡單高貴優雅已經叫你滿足。唯一嘅投訴，我覺得呢個價錢應
之前都推介過Airside嘅嵐月，有人話佢lunch嘅精緻點心薈萃套餐好精彩，約朋友喺屋企附近搵周末個點食午飯，太近屋企附近一於去試下，橫掂上次只係食晚飯，未試到佢嘅點心功夫。
每位HK$388，2位起就可以點，餐單除咗點心，仲有湯品再加主食，$388一位服務非常好，而且餐廳環境好舒服，雖然價錢唔算平，但係有時係屋企附近食好少少，也的確係一個好選擇。
鮮茴香海鮮餃、嵐月西班牙黑豚叉燒、糖醋紅菜野菌盒各有特色，前晚先喺大班樓食完佢嘅叉燒，呢日再食佢嘅西班牙黑豚叉燒都唔失禮，鮮茴香海鮮餃大而有當，野菌盒嘅調味好有特色，點心嘅整體水準不錯。
湯品menu係枇杷果螺頭燉雪雁，但當日換了楊桃煲枇杷螺頭瑤柱，都係走高貴路線，午飯有呢啲質素嘅燉湯，都算幾高質。
羊肚菌蘆筍炒北海道帶子，個北海道帶子絕對係刺身級，煎到夠香樣子係剛剛好，加上靚配菜羊肚菌蘆筍，完全對得住價錢。
鮮百合濃雞湯浸BB菜苗，菜苗非常之清甜，最重要用上鮮百合嚟煲嘅雞湯，煮完個菜之後個湯好飲到一滴都冇剩。
松茸羊肚菌燴越光米，用上貴價食材，唔係用啲乜嘢和牛黑毛豬做主食將你暴力對待，松茸羊肚菌簡單高貴優雅已經叫你滿足。
唯一嘅投訴，我覺得呢個價錢應該包一個甜品會完美啲，不過，我覺得還不錯，喺呢一區要食好嘢絕對係一個上佳嘅選擇。
張貼
