影片
更多
2022-07-09
304 瀏覽
星期日喺銅鑼灣行完街想食宵夜，經過景隆街嗰邊見到漢堡包店「Gustoso Burger」仲未關門💡，於是就決定即刻幫襯。小店四周圍都貼滿餐牌同食物圖片介紹，令人眼花撩亂😛。Burger款式有成廿幾款，豬、牛、雞、素、海鮮同和牛等一應俱全，除咗和牛較貴之外，其他款式平均五十幾蚊就有交易，都算OK👌。我要咗一個Burger再升級做套餐🍟，包小食同$18飲品，成個餐食晒飽到一個點！黃金煙芝脆牛堡($68)，🍔漢堡包新鮮滾熱辣出爐，好正！佢超級大個，拎上手勁重。漢堡包餡料豐富，包括車打芝士、牛肉漢堡扒、黄金煙芝脆、紫洋蔥、茄汁同埋生菜。漢堡扒重4oz，肉質結實，肉味亦算幾強。未食之前仲諗緊唔通佢有兩塊漢堡扒，而其中一件係炸嘅？點知原來呢塊就係黄金煙芝脆🥓，佢由芝士、煙肉加薯仔疊埋再拎去油炸整成。咁樣嘅食法都係第一次，既特別又惹味。我唯一唔鍾意嘅地方就係漢堡包落茄汁，因為略嫌偏酸🥫。香芋地瓜圓，小食款式會影響套餐價錢，配地瓜圓或薯條就最平，加$19。🍡地瓜圓外層炸至金黃香脆，而內層則帶啲煙韌嘅口感，最後裡面嘅香芋蓉就甜甜的🍠。凍白桃烏龍茶(原價$26)，少甜咗嘅白桃茶都係偏甜🙈，不過好在白桃味幾
星期日喺銅鑼灣行完街想食宵夜，經過景隆街嗰邊見到漢堡包店「Gustoso Burger」仲未關門💡，於是就決定即刻幫襯。
小店四周圍都貼滿餐牌同食物圖片介紹，令人眼花撩亂😛。Burger款式有成廿幾款，豬、牛、雞、素、海鮮同和牛等一應俱全，除咗和牛較貴之外，其他款式平均五十幾蚊就有交易，都算OK👌。
我要咗一個Burger再升級做套餐🍟，包小食同$18飲品，成個餐食晒飽到一個點！
黃金煙芝脆牛堡
$68
16 瀏覽
0 讚好
0 留言
黃金煙芝脆牛堡($68)，🍔漢堡包新鮮滾熱辣出爐，好正！佢超級大個，拎上手勁重。漢堡包餡料豐富，包括車打芝士、牛肉漢堡扒、黄金煙芝脆、紫洋蔥、茄汁同埋生菜。漢堡扒重4oz，肉質結實，肉味亦算幾強。未食之前仲諗緊唔通佢有兩塊漢堡扒，而其中一件係炸嘅？點知原來呢塊就係黄金煙芝脆🥓，佢由芝士、煙肉加薯仔疊埋再拎去油炸整成。咁樣嘅食法都係第一次，既特別又惹味。我唯一唔鍾意嘅地方就係漢堡包落茄汁，因為略嫌偏酸🥫。
香芋地瓜圓，小食款式會影響套餐價錢，配地瓜圓或薯條就最平，加$19。🍡地瓜圓外層炸至金黃香脆，而內層則帶啲煙韌嘅口感，最後裡面嘅香芋蓉就甜甜的🍠。
凍白桃烏龍茶(原價$26)，少甜咗嘅白桃茶都係偏甜🙈，不過好在白桃味幾香🍑，而且茶底亦唔澀。
總括嚟講，呢間巨無霸漢堡包外賣店幾好🥡，食物出品用心製作，味道不俗。我認為Burger大大個亦係賣點之一！雖然佢係外賣店，但如果好肚餓，旁邊都放咗張高枱出嚟方便開餐👍。
張貼
