影片
更多
2021-06-10
879 瀏覽
最近見網上評論各區米線推薦，見到居住緊既大圍都有一間米線店獲得好評💛，於是想黎試一試係咪咁好食地理位置坦白講就一d都唔方便區外人，甚至有d隔涉，都比較難搵到實際位置。 店面好細，入面大概只能坐到10-12人。當晚去到餐廳門口係星期日晚上7點半左右，只需要等一枱客就可以入座。唔好彩，咁岩店入面每一枱客好似岩岩坐低嗌野食咁，無計啦，入面又只得一個呀姐做樓面又要兼顧外賣，唯有等。等左30分鐘先有得入去。(題外話，留意到餐廳店主有貼告示表示想請店員幫手，要求係一定要有禮貌，但一陣我遇到既經歷，就好體現到呢間店係幾咁”有禮貌”。)入到去啦啦聲決定好嗌邊款米線，飲品。其中一個想飲凍可樂。店員竟表示，無晒凍可樂(全部室溫)，想飲凍可樂請加$4蚊轉檸樂，先可以換來有杯冰（加可樂同檸檬）。本身無為意，亦都唔想計較咁多，加錢咪加錢。杯冰黎到，已經係溶左一半既狀態。可樂倒左落去，飲完一半，向樓面姐姐表示想要多少少冰。點知入面煮米線既廚師一邊裝冰，一邊同呀姐講：「無晒冰啦，同佢講收番錢！」。呀姐快速地遞上冰，然後倒左落杯檸檬薏米水入面。其實要加冰既係可樂，而唔係薏米水。作為食客，我明白有d野可能要額外收費。咁
地理位置坦白講就一d都唔方便區外人，甚至有d隔涉，都比較難搵到實際位置。 店面好細，入面大概只能坐到10-12人。
當晚去到餐廳門口係星期日晚上7點半左右，只需要等一枱客就可以入座。唔好彩，咁岩店入面每一枱客好似岩岩坐低嗌野食咁，無計啦，入面又只得一個呀姐做樓面又要兼顧外賣，唯有等。等左30分鐘先有得入去。
(題外話，留意到餐廳店主有貼告示表示想請店員幫手，要求係一定要有禮貌，但一陣我遇到既經歷，就好體現到呢間店係幾咁”有禮貌”。)
入到去啦啦聲決定好嗌邊款米線，飲品。其中一個想飲凍可樂。店員竟表示，無晒凍可樂(全部室溫)，想飲凍可樂請加$4蚊轉檸樂，先可以換來有杯冰（加可樂同檸檬）。
本身無為意，亦都唔想計較咁多，加錢咪加錢。杯冰黎到，已經係溶左一半既狀態。可樂倒左落去，飲完一半，向樓面姐姐表示想要多少少冰。
點知入面煮米線既廚師一邊裝冰，一邊同呀姐講：「無晒冰啦，同佢講收番錢！」。呀姐快速地遞上冰，然後倒左落杯檸檬薏米水入面。其實要加冰既係可樂，而唔係薏米水。
作為食客，我明白有d野可能要額外收費。咁係佢倒杯冰落黎前，可否講聲會額外收費？ 再講，係餐廳焗客人要另加錢，轉檸樂先換來一杯凍可樂，本身已經係唔合理。餐廳唔夠冰，亦都是否自己控制方面出現左問題。
最後，米線的確係唔錯，好食。本想抱住支持小店既態度去食碗米線，但成個體驗實在太差，不必再來幫襯。
蜜汁豬扒大腸米線
17 瀏覽
0 讚好
0 留言
張貼
